孖寶車仔麵

Open Now

Now Closed

今次黎到葵廣不係食小食，因為行完街好想坐低慢慢食野抖下，於是就嚟到地下嘅孖寶車仔麵。哩度除咗供應車仔麵之外仲有一系列的滷水小食和客飯。真係好多選擇，最後我哋叫咗一個招牌車仔麵和三餸麵，另外再加多隻滷水雞脾。孖寶招牌麵果然係招牌車仔麵，有好多不同配料：滷水雞翼，豬大腸，豬紅，豬皮，魚蛋和蘿蔔，超抵食！每樣配料都非常入味油麵軟硬度適中，不會過腍！而最重要的湯底加入腩汁後，令到整碗麵味道提升不少自選三餸麵 三餸麵就揀左豬大腸，牛雜和爆漿肉丸配手打麵。豬大腸鹵得入味，而且非常有嚼勁；牛雜入面以牛肺最好，比一般較為厚身，口感腍滑，唔會散哂亦有啲咬口。湯底另加小辣汁就非常惹味，又不會過辣最有驚喜的反而是雞髀和奶茶!本以為是普通的滷水雞髀，勢估唔到店家只係用普通豉油去做，但係卻有一股非常香甜的味道，雞脾本身亦嫩滑無比。最重要是價錢絕對不貴，只要$18。而熱奶茶的茶底亦十分甘香，而且不會有太多奶蓋過茶香，建議落少少糖一齊飲。