25
4
5
Level4
101
0
摸下杯底食串燒
2019-04-15 175 views
今晚夜左收工唔算太肚餓，同老公講我想食下串燒飲下啤酒，上網一睇見到共度一宵咁多人推介就即刻揸架車嚟咗呢度食下野啦！嚟到發現佢都幾有風味喎，有少少大排檔嘅感覺，唔知大家覺唔覺得而家少咗好多呢啲風味餐廳呢？事不宜遲梗係嗱嗱臨叫餸啦！首先登場嘅係炸芝士蝦丸，上碟嗰陣見到佢標晒煙都知危險㗎啦，一咬落去真係有pat芝士跌咗出嚟！好好食喎，炸粉炸得啱啱好，入邊仲有半熔狀態嘅芝士，竟然令我諗起細個喺九龍城金寶泰國菜館食個粒炸蝦丸！！！當然呢度價錢就抵好多啦！多春魚，條條都肥嘟嘟！原隻燒雞翼亦都好多汁，之前見到有人話雞翼唔係好入味，唔知老闆係咪改良咗呢，其實好夠味喎，出邊仲要脆皮添！燒牛舌，牛舌係厚切嘅，不過好入味之餘仲好彈牙！好出色，我自己認為係其中一味必要嘅菜式！另外中間嘅雞皮都好值得推介，$19有兩串仲有泰國嘅感覺！令我最右手邊嘅五花腩亦都好好食，佢嘅感覺就好似你食韓燒個塊五花腩切咗出嚟做串燒咁！黃花魚，必叫！老闆同我地講今日啲魚好新鮮叫我地試吓，上碟嘅時候發現原條上已經心知冇嗌錯！條魚真係好新鮮，同老細傾下傾下佢同我地講原來佢係今朝早喺隔離街市自己買嘅，仲游緊水㗎，我諗開係街市附近就係有呢度好
Read full review
今晚夜左收工唔算太肚餓，同老公講我想食下串燒飲下啤酒，上網一睇見到共度一宵咁多人推介就即刻揸架車嚟咗呢度食下野啦！

28 views
0 likes
0 comments
嚟到發現佢都幾有風味喎，有少少大排檔嘅感覺，唔知大家覺唔覺得而家少咗好多呢啲風味餐廳呢？

6 views
0 likes
0 comments
事不宜遲梗係嗱嗱臨叫餸啦！首先登場嘅係炸芝士蝦丸，上碟嗰陣見到佢標晒煙都知危險㗎啦，一咬落去真係有pat芝士跌咗出嚟！好好食喎，炸粉炸得啱啱好，入邊仲有半熔狀態嘅芝士，竟然令我諗起細個喺九龍城金寶泰國菜館食個粒炸蝦丸！！！當然呢度價錢就抵好多啦！

15 views
0 likes
0 comments
多春魚，條條都肥嘟嘟！原隻燒雞翼亦都好多汁，之前見到有人話雞翼唔係好入味，唔知老闆係咪改良咗呢，其實好夠味喎，出邊仲要脆皮添！

11 views
0 likes
0 comments
燒牛舌，牛舌係厚切嘅，不過好入味之餘仲好彈牙！好出色，我自己認為係其中一味必要嘅菜式！另外中間嘅雞皮都好值得推介，$19有兩串仲有泰國嘅感覺！令我最右手邊嘅五花腩亦都好好食，佢嘅感覺就好似你食韓燒個塊五花腩切咗出嚟做串燒咁！

10 views
0 likes
0 comments
黃花魚，必叫！老闆同我地講今日啲魚好新鮮叫我地試吓，上碟嘅時候發現原條上已經心知冇嗌錯！條魚真係好新鮮，同老細傾下傾下佢同我地講原來佢係今朝早喺隔離街市自己買嘅，仲游緊水㗎，我諗開係街市附近就係有呢度好啦，可以搵到最新鮮嘅食材！食客們有福了


9 views
0 likes
0 comments
番薯仔好好味，佢係直情燒到成粒都軟綿綿，咬落去好粉好爛咁兼且勁甜！而我最愛嘅雞泡魚干當然都唔會令人失望啦


14 views
0 likes
0 comments
蒜蓉燒生蠔，呢咪又係老闆推薦嘅！但係佢一開始推薦嘅竟然唔係隻生蠔而係上面嘅炸蒜蓉？我期待左一陣，究竟點解佢會將個重點放喺蒜蓉上面呢？到到上碟我就知道原因係咩啦，我自己就好鍾意食蒜嘅，而一食落去你就發現，上面嘅唔係生蒜而係燒過炸過嘅蒜蓉，入口有啲creamy好好味
其實老闆知道我鍾意食蒜蓉仲推介我叫蒜蓉燒茄子，不過好可惜我自己唔識茄子，如果唔係相信應該都係好好味嘅！生蠔亦都好新鮮，唔係平時普通嗰啲冰鮮筒蠔！



呢間野又列入左我近期食過嘅大愛啦！最抵讚嘅係你會發現佢每一味菜到用咗心思去研究點樣先煮得好味！就好似好簡單無人留意到嘅蒜蓉佢都會落足心機研究點先最好食！有心嘅餐廳而家真係好難得，要繼續努力！香港小店是需要支持的！！！

(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Dining Method
Dine In