共度一燒

Open Now

Now Closed

外賣買到返屋企一打開，四條多春魚入邊有三條係爛的，身首異處，基本上係一堆嘢，分唔到邊條魚打邊條魚，其中一條明顯比其他三條細嘅，就乜春都冇，得一層皮。其實最基本揀啲完完整整嘅魚攞嚟燒都正常，但呢樣都唔做。落單時都講明叫佢燒透啲，但四條外面睇都接近唔熟，同埋好似冇燒過咁。勉強食咗一條完整嘅，發覺真係有唔熟，同埋一陣濃烈嘅鯹味，完全好似係冇燒過一樣。以前都係幾好的，但而家自從開咗分店之後，啲嘢食完全唔得，簡直係劣食。

雞皮唔脆，係淋既，咁我點解要畀廿雞食串燒？我買塊雞排食淋既雞皮唔好？都差唔多價雞泡魚乾仲衰，打算配酒食，但係雞泡魚乾都未燒到出晒味，你好趕單？ 一燒熱就上碟？ 我自己買包番黎叮熱佢都同你差唔多味

正一垃圾餐廳，係網上外賣平台1:20分落左單叫外賣叫左$300蚊，佢地即刻接左單，網上外賣平台寫2:15-2:40 到，等到3:00 鐘都仲係話餐廳準備緊訂單，一路delay 見唔對路上網search原來佢地收1:30，咁你又接單？大佬我錢都比埋你接完我張單就收工？

这家店他家的桌子是连在墙上的，并且是在外面，周围是一片菜市场，之后自己拿着点餐纸打上对号，选择自己想要的，然后交给里面的店员就好，这个酸辣粉虽然微辣很辣，但是真的超过瘾，串烧我图上我点的这些都是我比较推荐的，去的时候记得自己带水。

星期六放假夜晚終於可以同朋友聚下，近近地搵咗依間位於翠屏商場地下嘅串燒小店💛試下，平時呢間野做外賣生意多，座位比較少，好彩比較早嚟仲有位坐🤤🔎 金菇肥牛卷 $18@肥牛一啲都唔韌，再配埋金菇食落爽口，好惹味，份量有4舊都好足夠抵食🤭 🔎 牛舌芯 $26佢呢款牛舌燒得啱啱好，燒到有少少焦香，佢唔係入口即溶嗰款但係食落爽口，配埋黑椒，胡椒粒呢啲調味料上去，$26有四舊性價比好高😌🔎✨ 芝心獅子狗 $18咬落去芝士留心融入去個口個下真係無得頂，鍾意食芝士、芝士腔嘅朋友一定要試下☺️ 食完返唔到轉頭，喺出面超市買芝士竹輪都要差唔多價錢，依到真係好抵食😂😂🔎 蒜香牛油雜菇 $36同樣份量好足成個錫紙盤咁樣上，佢用咗大量嘅蒜蓉同埋蔥去調味，味道好濃郁，直接鎖住咗啲菇嘅汁不得了🙃🙃🔎 雞皮串 x2 $16🔎 雞肉串 $12雞皮食落去岩岩炸起，脆卜卜再配少少七味粉 perfect，另外雞肉性價比好高而且食落一啲都唔鞋，一淡肉一淡汽水大滿足😋🔎✨ 蒜蓉粉絲扇貝 $42 時價🔎✨ 蒜蓉燒聖子 $42 時價鍾意食海鮮嘅朋友個人推介呢兩款，之前都食過蒜香味好重所以今次都再叫，聖子食落唔會有沙，配埋大量嘅蒜蓉咁樣

成日行經都聞到陣陣燒烤香味，今晚終於同家人坐低嘗嘗！原來呢道除咗串燒燒物外，仲有酸辣粉食。我地叫咗一碗酸辣粉share，再點咗好多串燒🍢酸辣粉嘅麵底，我地揀咗薯粉，BB辣，再加餸─豬腩肉同魷魚。酸辣粉好香酸味～少少辣，好惹味！魷魚好爽口。串燒種類都好多，我地都點咗好多款，泰式豬頸肉、牛舌芯、雞皮串、大墨魚嘴、芝心獅子狗、冬菇、翠玉瓜、牛油粟米、紫心香芋丸、XO醬粉絲娃娃菜。XO醬粉絲娃娃菜一上枱就聞到好香蒜蓉味，係底層嘅粉絲份量都唔少。紫心香芋丸個紫芋餡好香甜，質感綿密，細而不膩。芝心獅子狗中間個芝心餡好豐富。牛油粟米好香甜。

今天去做完facial又不想煮飯近排看吃播見到YouTuber吃串燒吃得開心所以即興去買串燒當晚餐吃串燒吃夠癮位於大埔中心的串燒位置十分放便在巴士站旁下班經過買來吃實在方便共度一燒的串燒一點都不貴平均十來元一串可要香辣味或者走辣因為做完facial不想吃辣太刺激所以都叫走辣🔴泰式豬頸肉$22/串🟠金菇肥牛卷$18/串🟡牛舌芯$26/串牛舌很厚身加上肉質彈牙有咬口燒得出奇地嫩口不會太柴太乾🟢雞肉串$12/串雞肉雖然燒過外面焦脆但雞肉卻非常嫩滑保持juicy的口感🔵雞軟骨串（2串）$19/份火候控制得很好雞軟骨不會太乾雞軟骨間保持油份非常juicy🟣雞腎串（2串）$19/份🔴牛丸$10/串這款串燒我點了香辣因為我喜歡牛丸偏辣會惹味些辣味果然更突出牛丸的香味牛丸很彈牙燒過之後更焦香🟠鵪鶉蛋$12/串我很少見到串燒店有鵪鶉蛋所以點了這個之前在台灣吃過烤鳥蛋就對鵪鶉蛋念念不忘🟡燒賣$12/串這間店的燒燒賣燒到好似炸燒賣脆而不韌👍🏻👍🏻👍🏻🟢珍寶腸$18/串好大的一條腸脆皮燒得好美沒有爆開或裂開🔵雞髀菇$12/串居然燒到不會乾仍能保持菇裡的水份🟣韭菜$14/串燒完的韭菜水份很充足不會乾不會太硬唯獨

同朋友共度一「燒」haha為食嘅我地不忘愛吃菜～肉類：- 泰式豬頸肉：肉質爽口🤩幾滿意佢有咬口得嚟夠淋，略嫌醬汁淡淡的- 香辣牛肋串🐮💛- 安格斯牛：大大嚿抵食，睇得出無過熟，但咬落偏硬- 雞軟骨串：燒得香脆，可以好似放題咁任食就好- 鵪鶉蛋：接近燒到外脆內軟啦海鮮類：- 黃立鯧🐟💛蔬菜類：- 冬菇：食飽今餐「難瘦」，「想哭」了……- 娃娃菜：可能米線都有叫娃娃菜嘅關係，覺得浸湯食開心啲xd- 蒜香茄子🍆💛- 菠蘿：香甜件數又多，正！酸辣粉｛BB辣米線（娃娃菜、肥牛、魷魚）｝始終唔係主打菜(?)，份量偏少，湯底偏鹹但淡酸味，配料夠哂誠意，好多肉碎花生同炸菜🤩串燒細鋪嚟講性價比唔錯，特別想讚以下幾款：🐮香辣牛肋串: 牛味十足，軟韌適中，比安格斯牛出色(太韌啦)🐟黃立鯧: 燒到魚皮香脆， 同時避免到魚肉過熟，配埋檸檬汁，極好味🍆蒜香茄子: 爆蒜…朋友唔抗拒蒜味，小編就…蒜數吧不過茄子肉保持到水份，唔會燒到乾淨淨，朋友仔好爽咁食哂

去開大埔，經過一間串燒店，聞到香味，忍唔住，就決定係呢度用餐！廚房只係用玻璃一隔，一路見著師傅點去炮製自己嘅食物，感覺極度療癒！食物種類都好多，當中某啲海鮮係時價，需要問師父實際價錢。酸辣粉～調味剛好，湯底唔會死咸，而且酸辣程度，係絕對可以接受!當中該有嘅配菜亦都好足料，自己加嘅餸菜都令我有驚喜，特別係餛飩！豐滿既餡料差唔多全部都係蝦，非常彈牙！XO醬粉絲娃娃菜～上面嘅蒜蓉都係特製過嘅，應該係店家自行調味～娃娃菜同粉絲吸晒湯汁，亦都非常夠味！XO醬帶有微辣，非常惹味。雞泡魚乾～燒到恰到好處，冇過硬既情況，保留到該有嘅口感。墨魚咀～坊間比較少見到，非常新鮮彈牙，10個讚！安格斯牛～每一粒都有一定分量，並唔係細細粒！當中冇燒到全熟，大概八至九成，所以非常淋並保存到肉汁！京蔥肥牛卷～肥牛一啲都唔會過膩，因為包裹着嘅京蔥，剛好有解膩嘅作用，畢竟係蔬菜，呢個配搭，我非常鍾意！秋葵～一直都有啲抗拒秋葵嘅青味，但用燒嘅方式，加上唔同嘅調味料，我竟然食唔停口！榴槤炸彈～炸到金黃色，而當中嘅榴槤餡料，咬落會有少少流心嘅狀況，令人齒頰留香！

呢間串燒舖令我諗起日本街邊既居酒屋，吧枱嘅位置可以見住店員燒野食。而呢間鋪位於有蓋既戶外位，環境幾特別，相當有風味，附近仲有唔少街坊特登買外賣返屋企食添😋蒜香燒蟶子 (價錢因應市價而調整） $42/ 一隻蟶子係痴殼，證明係幾新鮮，食落爽口蒜蓉粉絲扇貝 (價錢因應市價而調整） $42/ 一隻扇貝同樣係痴殻，食落彈牙。另外海鮮都洗得幾乾淨，見到帶子裙邊冇乜黑色位，值得一讚👍蒜蓉大虎蝦 (價錢因應市價而調整） $42/ 一隻 蒜蓉同海鮮呢個配搭真係無敵🥰安格斯牛 $30/串 (3粒）牛粒厚身，咬落有嚼勁，即使走辣都唔會無味，食落幾Juicy墨魚丸 $10/串 (3粒）墨丸彈牙，唔錯大墨魚咀 $18/串 (3粒）比平時嗰啲墨魚咀大粒好多，有咬口好滿足特選多春魚 $26/份 (4條）BBQ就燒得多，自己燒通常會燒到甩皮甩骨，見到佢燒到啱啱好，正啊蒜香茄子 $34/份原條茄子上面鋪上滿滿嘅蔥花同埋蒜蓉，望落好豐富，入口充滿蒜香，非常夠味道芝士蝦球 $20/份（4粒）配有沙律醬，蝦球炸得非常脆，入面嘅蝦肉都好彈牙，入口有啲似食緊酒樓嘅炸蟹鉗一樣蒜香牛油雜菇 $36/份入面包括左三款菇： 金針菇、雞髀

呢間係一間大埔嘅串燒店，放假經過好奇試下。店舖裝修比傳統既串燒店還要差，廚房同食客地方接近坐埋一齊，又熱又濕仲要完全冇冷氣。而風扇嘅風力亦都唔夠。而且地下遍布垃圾同廚餘，佈置恍如置身於大陸街頭。有見及此只叫咗兩串外賣試吓，話晒都打著良心小店旗號又貼晒文宣。標榜住同路人睇吓燒出嚟嘅野食係咪真係好味啲用心啲？【雞軟骨串2份】最容易燒嘅串燒居然可以燒到咁韌，只係用一大堆味精，鹽同埋辣粉蓋過原來雞軟骨嘅味道。【雞皮串2份】呢個仲離譜，雞皮又小又細條仲要痴住枝竹籤痴到實一實，完全咬唔開好似食緊擦膠咁而最重要嘅味道當然係一樣只有咸死人嘅大量鹽同辣椒粉。$35總結對呢間所謂良心小店失望至極。難得大埔有串燒鋪但質素比任何一間連鎖放題做出嚟嘅串燒還要差。本來都不抱太大期待只係打算填下肚，但呢種質素既食物居然要等接近30分鐘。落單後係我前面已有客人等到鼓燥不斷反覆問無帶口罩食住煙既紋身店員燒好未，但只有換來差唔多嘅就得啦等下啦嘅回覆。而我都一樣係門口陪廚房佬企足30分鐘換來呢兩串不知所謂嘅串燒。做呢啲質素嘅食物請你唔好喺度呃所謂同路人嘅錢同時間👎

🍢 煙肉蘆筍卷 HKD 18/串蘆筍好爽脆 係咬落chopchop聲個種😂煙肉唔韌🥰🍢 泰式豬頸肉 HKD 22/串今次既MVP❗️燒到邊邊好脆 醬汁偏甜又有少少辣～幾惹味🍢 京葱肥牛卷 HKD 16/串京葱唔夠淋 而且肥牛都偏乾左小小😥🍢 牛舌 HKD 22/串有孜然粉調味但係就可能燒得唔太平均🙈有啲口感ok 有啲就有少少韌啦🍢 羊架 HKD 32/件可接受既羶味 啲肉都厚 幾大舊🍢 雞皮串 HKD 16/2串呢個都係推介😂因為佢除左好脆之餘 食完唔會覺得成口油咁或者太膩🍢 雞軟骨串 HKD 19/2串🍢 鵪鶉蛋 HKD 12/串🍢 雞髀菇 HKD 12/串🍢 蒜香牛油雜菇 HKD 36🍢 蒜蓉粉絲扇貝 🍢 粟米 以上幾樣就因為都係不過不失 就唔詳細打了💩因為都係大家認知既味道😂就打個價錢大家參考下啦～

輕食惹味串燒外賣又得堂食別有一番風味，去過的，你懂的推介豬腩肉同炸雞皮辣味夠，唔係勁蒙古串果陣香料味同行友推介酸辣粉加肥牛佢講個湯底係牛腩汁加酸辣咁神奇，下次試試佢

行行吓街忽然想食串燒，醒起呢度有間串燒店就嚟食，舖頭冇人食嘢，但店員都好似好忙咁準備嘢食for晚市，我哋嗌咗幾串串燒，等咗十五分鐘左右就燒好，串燒都好香好juicy，好夠火喉，美中不足嘅係佢哋係落粉做調味，但係我都係比較鍾意落醬汁，咁樣食串燒就冇咁乾，不過整體嚟講都好唔錯！店員服務態度都好好，有咩問題都好nice咁解答畀我哋聽💕我同朋友都好鍾意呢間～下次會再嚟食😋不過間舖位於街市附近，人來人往，同埋對住個廚房睇住佢燒都幾熱吓，不過咁先夠feel㗎嘛😆

大埔共度一燒 串燒超抵食💛營業時間係晏晝四點半至凌晨一點半串燒以黑椒同鹽做調味 比較清爽簡單肉類唔會過熟變硬 略嫌炙燒味不足.🍆蒜香茄子($32) 雞泡魚乾($38)呢兩個一定要嗌 有厚度而且好香口！🐷五花腩串($12)都有一定厚度 唔油😑京葱肥牛卷($16) 塊肥牛仲薄過紙🐮牛舌($22) 有筋 可以再燒得乾身啲🐠多春魚($16/4條) 呢個都幾抵玩🐥雞皮雞軟骨($15 & $19/2串) 正常💣榴槤炸彈($24/2件) 呢個幾好食相比之下佢係再裹多一層炸粉 好煙韌.後記：✍️酸辣粉仲好食 性價比更加高🥳同埋佢地出餐都比較慢 需要耐心等候