Baker by Lubuds

Open Now

Now Closed

話說有日坐巴士在太古城轉車到朋友家，正打算上人家屋企，買咩作手信之際，穿過太古商場，看見有餅店很熱鬧，排晒大隊⋯⋯好奇之下一問，原來排隊買蛋撻，店員告知，籌已派晒，你會否考慮繼續排隊試試？於是問: 如果買唔到的話，可以買其他？她說當然可以。當時已經是2:55pm 距離出爐時間還有5分鐘，一於碰碰運氣⋯⋯在排隊過程中，詢問之下，第一張籌已排咗一個鐘頭之多，真犀利。每人限買一打，所以排在前面的必定買到，筆者見買得咁高興，一於湊熱鬧。三點鐘準時出爐⋯⋯幸運地輪到筆者嘅時候，仍有貨，買了一打加兩件牛角包，到朋友家，相信大家一定很開心。半打為一盒，平均每件$12, 每個用紙盒分隔，運送途中冇困難。皮做得很鬆化，一層層，陣陣牛油香氣很吸引，蛋香甜度適中，幸福感滿滿。牛角包$18~包裝袋精美，牛角包內做到一層層，但由於當天吃了蛋撻，朋友叫我將牛角包帶走，留在第二天吃，用焗爐預先加熱，之後焗爐熄後才放包入焗爐，隔一會兒才拎出來，質地剛剛好。整體來說:新開人氣，還在太古城內，有其吸引力，值得一試。