割烹 櫓杏 (iSQUARE國際廣場)

Open Now

Now Closed

收工後同同事去咗尖沙咀食日本菜。我哋叫咗餐廳嘅 Dinner Set，食得好飽同好滿足，因為套餐 入面有好多唔同嘅嘢食同甜品。首先係牛腸鍋，透過醬油鮮甜味搭配嘅湯底，令到啲材料更加好味，食材包括有芽菜、牛蒡、椰 菜、韭菜、豆腐、牛腸、蒜同唐辛子。將所有材料放晒落個湯度，令個湯嘅味道就更上一層樓。牛 腸嘅口感好咬口，又肥又軟，仲有啲彈牙，味道真係令人難以忘懷。鰻魚同青瓜配土佐酢都好好食，鰻魚嘅肉質好飽滿又好嫩滑，口感好有韌性，青瓜爽口嘅口感配 埋清甜嘅味道，再加埋土佐酢嘅酸味，唔單止可以解膩，仲可以增加食慾。跟住就係黑松露茶碗蒸，口感真係好嫩，味道都好香，配埋黑松露獨特嘅氣味，令成碗茶碗蒸嘅 味道更加豐富。仲有就係新鮮刺身盛合，刺身包括咗甘海老同另外兩款廚師發辦嘅刺身，每款刺身口感都係咁潤 滑鮮嫩，仲散發住陣陣清香，簡直係滿分嘅刺身組合。其他嘢食仲有鮮魚壽司、炭燒雞雞頸肉同 埋甜品柚子雪芭，食完之後我同同事都對呢啲嘢食讚不絕口，仲約埋下次再一齊嚟食。