朝

Open Now

Now Closed

本身旺角都多居酒屋，我fd最近推薦咗我去依間勁近太子站嘅居酒屋，行約2至3分鐘就到！門口已經好有feel，睇唔到入邊，私隱度勁高～  一開始入到去 梗係揀返兩杯酒先啦～ Oolong hai 💰68🥂 飲落烏龍茶味好出，入到口但有啲似冇左氣嘅黑啤  Whiskey umeshu 威士忌梅酒💰78🥃 好香甜，梅酒味好出，一啲都唔攻鼻，好易入口，正！😋😋😋  明太子雞肉串💰52🍢 上面有好香嘅明太子，雞肉串入面有粒粒雞軟骨，好有口感，配埋甜甜哋嘅醬汁，唔錯！😋  牛油燒帆立貝💰58 好入味，香香的牛油味，超級大粒！鮟鱇魚肝💰68 入口豐盈，醋汁提鮮，香蔥點綴，第一次食，有D似沙甸魚。朝邪惡玉子燒💰108 一夾起出緊煙，仲有芝士拉絲，蛋好綿滑，淡淡甜味，仲有蟹籽好有口感🥚  和牛湯烏冬💰128🍜 和牛香香嘅油脂入晒湯，烏冬都算入味～  大啡菇串燒💰32 好勁，佢燒完仲可以鎖住啲菇汁，好juicy，好好食！🤭  唐揚魷魚鬚💰58 送酒一流，超脆口，有海苔味，配埋個自製汁好開胃！  帶子刺身💰88 啖啖厚嘅帶子肉，仲有檸檬味，好香好refresh，係好有驚喜居酒屋刺身可以咁出色！世一好食！必叫！