Hea Ha Hea Ha 居酒屋

Open Now

Now Closed

今晚同朋去了間好日式風嘅居酒屋，位置都算方便在寶勒巷10號嘅9樓，當然都係要識飲識食嘅朋友先可以搵到，內裡裝修以日式居酒屋格局，有兩邊，一邊是房間，夠晒私隱度，另一邊就係普通嘅枱椅組合，這主打串燒，當然還有其他選擇，而同朋友一齊當要先點杯Sappro生啤先似在居酒屋內吹水，生啤口感清爽，入口不苦！先點份佐酒佳品燒鱈魚乾，燒得十分香脆，配埋個沙律醬入口味道更佳！另一個就係唐揚魷魚鬚，這裡炸得十分香脆，入口完全唔會覺得油膩，魷魚鬚十分彈牙爽口，同樣都係佐酒佳品！邊食邊吹串燒都不能少，我就點了燒牛小排同鹽燒大白鱔，燒牛小排肉質綿密，有咬勁且多汁，這使得每一口都帶來豐富的口感享受，點埋旁邊嘅芥末醬，味道更佳！而串鹽燒大白鱔，燒得皮脆肉香，師傅控制得剛好，見到塊皮燒得剛好，反轉金黃色嘅白鱔肉，入口鱔肉的爽甜，口感豐富！最後加埋個汁煮牛肉飯，在碗內放滿了汁煮嘅肥牛，加埋啲汁滲到彈牙煙靭嘅米飯上，一齊入口感覺飽滿。唔覺唔覺咁又一餐，另一個個人喜歡嘅地方就係這裡不停播放日本電視節目，邊食邊聽住電視嘅日本節目就好似身在日本嘅感覺！