Video
Read full review
2018-04-07
1954 views
平時返工吃一頓午餐只有半小時, 趕頭趕命, 都不知吃了什麼, 而今日我卻豪出三小時來一頓午餐放題, 慢慢吃, 慢慢嘆, 老實說….不是假日也不會咁放縱自己, 不過諗深一層, 午餐放題不是假日吃, 幾時吃呀!? 又來到我常出沒的銅鑼灣, 左揀右揀, 最終選了這間位於銅鑼灣廣場一期的放題店, 一出港鐵B出口行幾分鐘就到, 極之方便。一出升隆機門便看到大大個燈光店名招牌, 相當搶眼。還有正在等入座的人龍, 看來這店挺受歡迎。餐店地方寬敞闊落, 分有兩區, 而中間就是食物食品自助區。兩區都設有多行長沙發和多張四至五人卡座, 出入通道亦闊落, 出出入入取食品相當方便, 空間大自然坐得舒服, 環境不錯。午巿放題時間12:00nn-3:00pm, 可任飲任食3小時, 時間絕對充足, 星期一至日成人收費都是 ($248+10%), 另外還有午巿定食, 但今日決意豪出三小時, 當然揀放題啦! 咦!? 為何枱上一張下點菜紙仔都沒有呢? 原來餐店又先進又環保, 客人只要用自己手機下載一個叫“飯糰”App就可下單點菜, 以此取代一疊疊的單菜紙仔, 用起既方便又環保, 而且並沒有漏單, 讚! 大家不用擔心, 除
又來到我常出沒的銅鑼灣, 左揀右揀, 最終選了這間位於銅鑼灣廣場一期的放題店, 一出港鐵B出口行幾分鐘就到, 極之方便。一出升隆機門便看到大大個燈光店名招牌, 相當搶眼。還有正在等入座的人龍, 看來這店挺受歡迎。
餐店地方寬敞闊落, 分有兩區, 而中間就是食物食品自助區。兩區都設有多行長沙發和多張四至五人卡座, 出入通道亦闊落, 出出入入取食品相當方便, 空間大自然坐得舒服, 環境不錯。
午巿放題時間12:00nn-3:00pm, 可任飲任食3小時, 時間絕對充足, 星期一至日成人收費都是 ($248+10%), 另外還有午巿定食, 但今日決意豪出三小時, 當然揀放題啦! 咦!? 為何枱上一張下點菜紙仔都沒有呢? 原來餐店又先進又環保, 客人只要用自己手機下載一個叫“飯糰”App就可下單點菜, 以此取代一疊疊的單菜紙仔, 用起既方便又環保, 而且並沒有漏單, 讚! 大家不用擔心, 除有Free Wifi外, 各服務員還會細心地作出協助, 一點難度都沒有, 大人細路和長者都係咁“篤”, 哈!******************************
梅酒
75 views
1 likes
0 comments
******************************
繼續把握時間去自助區取食物, 有多盆熱食, 今日有章魚燒、炸雞、炸薯角、沙薑雞腳、冬蔭功青口、蒜香芥蘭苗、瑞士雞翼、炒豬大腸、白汁年糕雞丸、清蒸海魚, 仲有片皮鴨和燒雞。唔止呀! 還有姬松茸海星燉烏雞湯, 好豐富!
姬松茸海星燉烏雞燉湯
136 views
0 likes
0 comments
冬蔭功青口
82 views
0 likes
0 comments
******************************
凍食
94 views
0 likes
0 comments
******************************
APP 的點菜介面相當清晰易用, 先揀類別, 再擊點細項的份量, 按 “送單”鍵後再確認一次各項先可 “確認送單”便完成。客人還可隨時check返自己的所有訂單, 設計不錯。數數看, 足足十三類, 分別有刺身、創作壽司、壽司、火炙壽司、手卷、卷物、軍艦、一品料理、燒物、炸物、天婦羅、煮物和海之盛宴。
刺身
89 views
0 likes
0 comments
身為刺身迷, 揀了劍魚腩、三文魚、油甘魚、拖羅、北海道帶子刺身 和天使蝦刺身。肥美厚切的三文魚 色澤亮麗, 油脂分佈平均, 肉質柔軟油潤, 鮮味十足; 還有油甘魚刺身, 不算厚切，但肉質柔軟中帶微爽，啖啖鮮味油潤。天使蝦刺身 也不錯, 肉質爽中黏性, 也很新鮮, 但最愛還是拖羅刺身, 色澤粉紅亮麗，油脂如雪花般佈滿全片，肉質柔軟，油香四溢, 回味! 估不到放題都有此質素的任點拖羅刺身, 必要再來一round! ******************************
三款火炙壽司
68 views
0 likes
0 comments
先吃火炙三文魚, 炙燒的時間掌握得剛好, 迫出魚油, 肉質油潤兼柔軟, 加上連壽司飯 也經稍稍火炙, 更添美味, 再來一件吧! 另一款火炙原條海鰻壽司 也是必吃之選, 故不到連放題也可吃到原條的海鰻, 的確幾重本。經燒的海鰻 外表炙至帶點焦燶, 肉質柔軟嫩口, 若然塗少一點鰻魚汁, 相信能嚐到本身鮮味會更美味。
******************************
燒物
78 views
0 likes
0 comments
燒物
81 views
0 likes
0 comments
******************************
蒲燒鰻魚
65 views
0 likes
0 comments
北海燒帆立貝
80 views
0 likes
0 comments
北海燒帆立貝 燒得金黃, 以蟹籽 和洋蔥 的芝士汁 同燒, 鹹香惹味, 而內裏的帆立貝 熱辣辣, 肉厚彈牙, 質素不俗。其實味道好吸引, 但略為油膩了一點, 還是留肚吧!******************************
吉品鮑汁燴花膠盛宴
75 views
0 likes
0 comments
花膠是女人的恩物, 絕不能錯過, 來一客吉品鮑汁燴花膠盛宴。嘩! 好大件花膠, 滑嘟嘟兼富有膠質, 絕不欺場, 雖配菜略為過腍, 但很入味, 仲有隻爽滑的花菇, 有如此質素, 還可挑剔嗎? ******************************
輪到自助甜品, 選擇都唔少, 絕對可滿足大家。 先有三個雪糕冰櫃, 放滿雪糕杯、甜筒、冰條和雪糕糯米糍, 各有不同口味添! 雪糕 的亮點是除了有三款口味的Haagen-Dazs品牌雪糕外,還有款MÕVENPICK品牌雪糕, 重點是任吃, 並非好似其他放題店只限每人一杯, 夠晒慷慨。
另外, 甜品凍櫃也有一些啲啲骰骰的甜點, 一啖一口, 有朱古力蛋糕、紅豆批、芝士糕、朱古力批、迷你豆腐花、木槺布丁、奶凍、乳酪 等等…另一邊仲有一個生果凍櫃, 切得都幾靚, 有橙、火龍果、西瓜和哈蜜瓜。
甜品水果雪糕
54 views
0 likes
0 comments
其實已飽到一個點, 但還忍不住來多一輪甜品, 因為敵不過Haagen-Dazs的Cherry Blossom新口味雪糕, 好想試試。味道清清地, 帶有花香, 也不錯! 至於那件啲骰的朱古力蛋糕 都幾鬆軟, 但味道還是不及朱古力批。------------------------------
今日全程用手機下單, 唔駛揭來揭去, 啲下單紙又唔會飛來飛去, 既放便又環保, 重點是全程沒有漏單。雖然曾經也去過一間放題店用iPad下單, 但就重了一點, 餐店還要擔心安全問題…還是客人用返自己手機較理想。今次放題新體驗, 讚呀! 但就全場啲人都機不離手, 越來越多低頭族……
Post
