Video
Read full review
2025-01-14
0 views
嗌咗巴馬火腿同無花果，酸種麵包底揀咗mix嘅，有核桃無花果黑麥同煎吐司兩款。聽起身呢個搭配好似唔錯，都幾有新意，個菜上嚟望落顏值都幾高，心諗住今餐應該唔差嘅🤔點知一食就即刻心都涼曬，嗰個酸種麵包，話晒都叫酸種啦，竟然一啲酸味都冇，同普通麵包冇咩分別，完全冇咗呢種麵包該有嘅特色，食落淡而無味😒巴馬火腿就咸到滲牙，我都知可能佢係正宗嘅，但我真係唔受得咁重鹹，食咗幾片就好似成個口都被鹽腌咗一樣，真係頂唔順🤢芝士更加係“縮骨”，抹得鬼死咁少，簡直以為冇芝士！我心諗，就算唔想落重手，起碼都要有個芝士嘅味覺存在感啦，依家簡直就係“隱形芝士”油醋汁都少得可憐，好似廚師唔舍得落咁，令成個食物食起身好單調，完全冇咗油醋汁該有嘅提味作用，成個口感大打折扣😫😫飲品嗌咗熱抹茶拿鐵🍵，話用嘅係小山園嘅茶粉，點知一飲，第一啖就覺得好甜，完全蓋住咗抹茶嘅味道。再望下個顏色，又唔鮮綠，同平時見到嘅抹茶拿鐵差好遠。我就問店員，懷疑抹茶粉係咪氧化咗，店員話係因為混咗兩種茶粉先會咁。但我覺得呢個解釋好牽強，就算混咗兩種茶粉，都唔應該係呢個樣，完全唔似我心目中嘅抹茶拿鐵....呢間餐廳真係令人失望透頂！食物質素唔得，💰價錢又
點知一食就即刻心都涼曬，嗰個酸種麵包，話晒都叫酸種啦，竟然一啲酸味都冇，同普通麵包冇咩分別，完全冇咗呢種麵包該有嘅特色，食落淡而無味😒
巴馬火腿就咸到滲牙，我都知可能佢係正宗嘅，但我真係唔受得咁重鹹，食咗幾片就好似成個口都被鹽腌咗一樣，真係頂唔順🤢
芝士更加係“縮骨”，抹得鬼死咁少，簡直以為冇芝士！我心諗，就算唔想落重手，起碼都要有個芝士嘅味覺存在感啦，依家簡直就係“隱形芝士”
油醋汁都少得可憐，好似廚師唔舍得落咁，令成個食物食起身好單調，完全冇咗油醋汁該有嘅提味作用，成個口感大打折扣😫😫
飲品嗌咗熱抹茶拿鐵🍵，話用嘅係小山園嘅茶粉，點知一飲，第一啖就覺得好甜，完全蓋住咗抹茶嘅味道。再望下個顏色，又唔鮮綠，同平時見到嘅抹茶拿鐵差好遠。我就問店員，懷疑抹茶粉係咪氧化咗，店員話係因為混咗兩種茶粉先會咁。但我覺得呢個解釋好牽強，就算混咗兩種茶粉，都唔應該係呢個樣，完全唔似我心目中嘅抹茶拿鐵....
呢間餐廳真係令人失望透頂！食物質素唔得，💰價錢又唔平，根本唔抵
餐廳真係要好好反思，認真選品，提升食物質素，唔係好難留住客，希望佢哋可以改善啦，唔好再呃我哋啲食客喇😡！
Post
