Akoya

Open Now

Now Closed

尖沙咀分店開咗好多年，之前都有幫襯過，新店都係沿用深啡色木系裝修，擺放著好多清酒🍶越後櫻 醉樂無極 大吟釀 720ml食日本嘢唔少得清酒，呢枝做緊半價，幾抵飲！入口淡淡的旨味，清爽順口，適合配搭各款日式料理ᴗ̈ 枝豆口感爽甜，唔錯ᴗ̈ 刺身拼盤一共有六款刺身，擺碟幾靚，食落好新鮮，特別係個魷魚好有驚喜，入口綿軟粘牙，好鮮甜😋中拖羅，甘香肥美，good!ᴗ̈ 明太子煎蛋卷蛋卷入面包住滿滿的明太子，一切開即刻流曬出嚟🤤熱辣辣，蛋卷香滑有蛋味，配埋鹹香微辛的明太子，口感味道一流ᴗ̈ 燒帆立貝帆立貝切粒，加咗少少醬油、牛油及蔥花一齊燒，食落真係好鮮甜ᴗ̈ 海膽汁燒蠔蠔肉飽滿脹卜卜，炸至外酥內軟，再淋上濃郁甜甜地嘅海膽汁，好惹味😋底下嘅菠菜可以中和下濃郁嘅味道～ᴗ̈ 串燒拼盤炭火串燒，真係特別正😍一拎上枱已經聞到好香，有免治雞肉棒、雞翼、雞腎、雞肝、鵪鶉蛋、小青椒！雞肉棒同雞翼最好味，雞腎、雞肝呢啲內臟處理得都唔錯。靚嘅食材，只需簡單調味已經好好食！ᴗ̈ 雞蛋布甸布甸質地好嫩滑，焦糖嘅甘香令到蛋香味更突出，甜度剛好，必食😋一間好好味嘅日式居酒屋，值得回訪