割烹 櫓杏 (iSQUARE國際廣場)

Open Now

Now Closed

🍣牛腸鍋 我個人好鍾意食牛腸，難得見到成個Course入面可以揀唔同嘅鍋，我梗係唔會放過呢度嘅牛腸鍋啦。牛腸鍋嘅湯底濃郁醇厚，卻又不油膩，牛腸軟糯入味，而且腸洗得好乾淨完全冇異味，真係好好味👍 🍣天草直送新鲜刺身盛合 跟住就係我最鍾意食嘅刺身壽司啦，呢度嘅刺身都係即切即整做壽司，所以唔使懷疑佢嘅新鮮程度，每一款嘅魚生鮮甜嫩滑，魚脂都好均勻，食落完全唔會滯。 🍣熊本天草鮮魚壽司三件 壽司嘅飯粒粒分明，但係夾起上嚟又唔會散開，呢個真係要讚吓壽司師傅嘅功架，壽司保持到極佳嘅新鮮度，三款嘅口感都唔同可以食到各種各樣唔同嘅口感，由嫩滑到微韌都有。 🍣炭焼鶏鶏頸肉 雞頸肉比較嫩滑，同時又有一定嘅咬口，越嚼越香。炭火燒烤令表面略帶焦脆，入面保持多汁。上枱之後仲可以聞到濃郁嘅肉香。