Video
Read full review
2023-05-27
1551 views
一間啱feel嘅餐廳，真係會令人好放鬆，唔知配以木系傢俬嘅日系文青風，又係唔係你嘅心水呢？位於銅鑼灣嘅Lounge Hakuba，餐廳嘅格調氛圍正合我心意。餐廳嘅菜單選擇以和風洋食為主，配埋杯打卡咖啡，絕對係我嘅holiday呀！但原來文青cafe一踏入夜晚，卻變成另一個世界？BYOB - Build Your Own Bento自選日式定食日式定食餐牌非常清楚，先喺主食四揀一，再喺蔬菜或蛋類九揀二、最後喺肉類八揀二，原來望落簡單嘅餐牌，可以組合成過百種配搭，每一份都肯定係最啱你個人口味嘅便當啦！我嘅日式定食組合就揀咗日本珍珠飯，配以明太子日式蛋卷、蜜糖紫薯配蒟蒻、味噌比目魚同自家製章魚炸蝦餅（大阪燒＆芒果醬）。特別推薦味噌比目魚，燒香嘅比目魚，油香十足，又鮮又嫰，加上鹹香濃郁嘅味噌，同比目魚真係最佳配搭；至於明太子日式蛋卷係另一驚喜，明太子份量十足，加上採用日本新鮮雞蛋整成嘅蛋卷，感覺新鮮，充滿口感。無花果牛肉漢堡配Shake Shake薯條牛肉漢堡採用USDA Prime Angus Beef，用料上乘，牛肉味香濃，充滿肉汁！配上餐廳自家調製嘅無花果醬，減低牛肉嘅油膩感之餘，鮮甜嘅
一間啱feel嘅餐廳，真係會令人好放鬆，唔知配以木系傢俬嘅日系文青風，又係唔係你嘅心水呢？位於銅鑼灣嘅Lounge Hakuba，餐廳嘅格調氛圍正合我心意。餐廳嘅菜單選擇以和風洋食為主，配埋杯打卡咖啡，絕對係我嘅holiday呀！但原來文青cafe一踏入夜晚，卻變成另一個世界？
BYOB - Build Your Own Bento
自選日式定食日式定食餐牌非常清楚，先喺主食四揀一，再喺蔬菜或蛋類九揀二、最後喺肉類八揀二，原來望落簡單嘅餐牌，可以組合成過百種配搭，每一份都肯定係最啱你個人口味嘅便當啦！我嘅日式定食組合就揀咗日本珍珠飯，配以明太子日式蛋卷、蜜糖紫薯配蒟蒻、味噌比目魚同自家製章魚炸蝦餅（大阪燒＆芒果醬）。特別推薦味噌比目魚，燒香嘅比目魚，油香十足，又鮮又嫰，加上鹹香濃郁嘅味噌，同比目魚真係最佳配搭；至於明太子日式蛋卷係另一驚喜，明太子份量十足，加上採用日本新鮮雞蛋整成嘅蛋卷，感覺新鮮，充滿口感。
無花果牛肉漢堡配Shake Shake薯條
牛肉漢堡採用USDA Prime Angus Beef，用料上乘，牛肉味香濃，充滿肉汁！配上餐廳自家調製嘅無花果醬，減低牛肉嘅油膩感之餘，鮮甜嘅無花果醬，令成個漢堡嘅味道充滿驚喜！食漢堡包又點可以無薯條呢？呢個薯條配上麻辣shake shake粉，絕對係味蕾嘅衝擊！
榛子醬香蕉Croffle
想過得寫意一點，又點可以無甜品呢？呢個榛子醬香蕉Croffle就夠晒豐富，最鍾意就係加上焦糖再微微燒焦嘅香蕉，焦香味更能帶出香蕉嘅鮮甜、再配以榛子醬嘅窩夫、雪糕同麻薯，份量十足，又唔會太甜，兩個人share就啱啱好喇！
美式咖啡、鮮橙蝶豆花梳打
嚟到文青cafe又點可以唔叫番杯咖啡呢？美式咖啡即叫即磨，咖啡味非常香濃；至於鮮橙蝶豆花梳打就夠晒清爽，夏天飲就夠晒解喝啦！
文青cafe vs 格調酒吧？
每日一入夜，Lounge Hakuba就會大變身，由文青cafe變成格調酒吧！酒吧更設有戶外區域，適合大家放工放假嚟飲番杯，為生活鬆一鬆。特別鍾意餐廳引入唔同嘅日本烈酒再融入特製嘅cocktail中，享受日落後微醺嘅感覺。
Post
