花漾

Open Now

Now Closed

今日黎到銅鑼灣時代廣場行街，行到累就搵間餐廳食下野，今次黎到呢間餐廳係食新加坡野，裝修都幾好，樓面又夠大，坐得都好舒服。首先叫左個小食，斑蘭咖吔多士。中間牛油非常香滑，外脆內軟，重有濃濃既咖吔香味係口腔中徘徊，真係好好味😋。主食方面就點左個芽籠香辣牛魔王，呢個什錦鍋有好多款唔同既牛，有肥牛，牛丸，牛筋，牛腩等等。入口即溶，非常有牛既味道。個湯底都好正，用黎撈飯食真係一流。再叫多個一人套餐主食係肉骨茶，個湯底都唔錯，排骨既精華都去曬湯道，非常好飲，再食咪啲排骨配咪油飯真係無得輸。諗起都流晒口水，食完真係好滿足。套餐跟咪個小食，我地就選左新加坡鹹蛋黃魚皮，呢款小食係我既最愛，鹹蛋黃滿滿包住曬啲魚皮，味道非常香濃同脆口。世界級享受。最後跟咪兩杯特飲，薄荷青檸梳打同咪古路仔芒果冰，兩杯都唔會好甜，適合男女老少。好好飲。