Video
Read full review
2024-10-21
124 views
留意到尖沙咀最近開咗間火鍋餐廳，竟然有激罕雞部位食，就拿拿臨叫埋朋友去試！店員推介２人餐俾我哋，仲話２人餐只包兩罐飲品，但打完卡就可以變無限暢飲！咁抵，梗係拎埋個優惠先啦～我地點咗招牌牛骨清湯底，店員好快手就幫我地上菜，上到一枱都係！先飲一碗清湯，香甜得嚟仲有勁香黑椒味，然後就放一片吊龍落去，再點個自己組合出嚟既醬料，好鮮甜美味！肉類方面除咗吊龍之外，仲有招牌脆皮雞同埋一盤新鮮雞雜，店員耐心教我地唔駛淥太耐，雞雜本來都擔心，但食落冇怪味又幾過癮！最注目當然係「提燈」位啦，原來係雞卵巢加埋未孵化既蛋，其實食落係一粒外面爽脆、入面流心既雞蛋，我都係第一次見，仲要係第一次食～人一世物一世真係要試吓！其他仲有大大份蔬菜菌菇拼盤，同埋半打手打牛肉丸，牛肉丸食落好彈牙，另外仲有少見既高山筍芯，餐廳仲以油條取代平時打邊爐食開既響鈴，又幾好食喎！如果食慣港式日式台式火鍋，嚟呢度食吓未食過既部位都幾新奇刺激有趣～！
我地點咗招牌牛骨清湯底，店員好快手就幫我地上菜，上到一枱都係！先飲一碗清湯，香甜得嚟仲有勁香黑椒味，然後就放一片吊龍落去，再點個自己組合出嚟既醬料，好鮮甜美味！
肉類方面除咗吊龍之外，仲有招牌脆皮雞同埋一盤新鮮雞雜，店員耐心教我地唔駛淥太耐，雞雜本來都擔心，但食落冇怪味又幾過癮！最注目當然係「提燈」位啦，原來係雞卵巢加埋未孵化既蛋，其實食落係一粒外面爽脆、入面流心既雞蛋，我都係第一次見，仲要係第一次食～人一世物一世真係要試吓！
其他仲有大大份蔬菜菌菇拼盤，同埋半打手打牛肉丸，牛肉丸食落好彈牙，另外仲有少見既高山筍芯，餐廳仲以油條取代平時打邊爐食開既響鈴，又幾好食喎！
如果食慣港式日式台式火鍋，嚟呢度食吓未食過既部位都幾新奇刺激有趣～！
Post
