樂天客棧 (Closed)

大角咀本來就係一個老區, 自從填海起咗奧運站後, 起了翻天覆地的變化, 大量新盤吸引新店湧入, 依家喺奧海城咩類型食店都有, 任君選擇.之前食過好幾次上海菜, 今次經過見到過幾個舖位有樂天集團食店, 提供創意料理以供喜愛中式菜餚的食客. 既然上海菜已經食過好幾次, 今次就試試呢間新加坡過江龍.樂天客棧裝修光潔明亮中帶有懷舊裝飾. 食晚飯先開茶, 中式茶葉選擇不多, 只有兩款, 睇餐牌有花茶供應, 不過食中菜配花茶感覺有點怪, 都係叫番壺香片. 香片茶味適中, 冇苦澀味.前菜炆花生栗子, 比較少見, 花生栗子炆得好諗. 青芥末蝦球細碟有六大隻, 蝦球肉質爽口, 油炸後再用青芥末調味, 微微辛辣味十分清爽.荔枝咕嚕肉比一般咕嚕肉多咗荔枝, 食落同平常一樣. 咕嚕肉粉槳唔厚, 豬肉比例多, 食味不俗.古早魚香老鼠粉煲有好香咸魚味, 食落有炸菜粒, 有咬口又咸香味足. 銀針粉短粗而兩頭尖, 入口滑溜.當歸花菇雲耳蒸鱸魚片細碟都有十多片, 兩人食十分足夠,  鱸魚片嫩滑無骨, 有點點當歸花菇味入內.樂天客棧菜式分大中小碟, 十分合適小家庭用饍.