泰沾麵

Open Now

Now Closed

6月中终於約到成年冇見嘅舊同事食飯聚聚，佢話呢間食過，沾麵好好味。我哋book咗7點，到咗都要等，待應安排入座好亂，不斷安排walk in 入座，冇理到啲book 咗枱嘅，最後我哋發脾氣佢先處理，呢方面真係要改善。職員之間好似冇乜溝通咁，同門口嘅講咗我哋book了枱，佢話知道叫我哋旁邊等等，帶位入座嘅就只會帶排隊walk in 嘅客入座。我哋4人叫咗一個沾麵，泰duck生菜包，薄餅，黃咖喱雞，豬肉炒芥蘭，蟹肉奄列。沾麵係凍爽口，配咖喱食一流。豬肉炒芥蘭，豬油炒好香口。蟹肉奄列好普通，不推介。生菜包用鴨肉幾好食。呢度座位比較少，所以等位嘅人唔少，見多人食泰式船河，下次有機會嚟會試，仲有個蝦餅，今次冇哂食唔到。