潮藝館

Open Now

Now Closed

阿女今日同我去尖沙咀食飯，佢知道iSQUARE國際廣場有間新開潮藝館，主打新派潮州菜，餐廳裝修時尚，座位寬敞舒適。晚市二人套餐，包括：前菜、湯、主菜、主食、甜品。前菜串茄核桃沙律，蕃茄內裡藏有核桃粒，既鮮甜又有口感。茅台醉鮑魚，鮑魚切一半浸在茅台酒內，鮑魚食落除咗彈牙，還有淡淡的酒香。普寧布包豆腐，口感滑溜，點些白醋令味道提升。湯胡椒豬肚湯，用明火熱住食，湯內有鹹菜同豬肚，食落好爽口，湯有點辣，啖啖都充滿濃郁嘅胡椒香味。主菜日本椒仔炒豬肉，因為一些原因，今晚唔食牛肉，廚師為我哋改炒豬肉，炒得好有鑊氣，豬肉鮮嫩，每片都沾上濃濃的醬汁，十分惹味，日本椒仔亦好爽甜。碧綠川椒雞，嫩滑的雞肉帶有香、濃、麻的川椒味道，伴著還有炸得輕盈薄脆的珍珠葉，非常惹味兼有口感。主食蜆肉鵝肝炒飯，呢個飯都炒得好香口，飯粒粒分明，加上蜆肉和鵝肝，令整個飯都充滿油香味。甜品燕麥一口薯，紫薯上鋪滿燕麥和砂糖，軟滑香甜有口感。