嵐月 (AIRSIDE)

Open Now

Now Closed

🍴嵐月 (AIRSIDE) @啟德🍴朋友想去最近新開既AIRSIDE行街，行完到左晚餐時間，見到呢間餐廳個門面幾靚，又想食中菜，就入左去一試啦。入面環境好靚，花左好多心思係裝修度。呢度會用蠟燭點住茶壺，確保D茶係熱既，好細心！🟠蘋果木燻泰安雞店員一揭開蓋子，蘋果木燻香湧出，聞到陣陣蘋果木香氣。泰安雞外皮好光澤，而且煙燻味重又香，雞肉嫩滑，第一次食到呢隻味道，個人覺得必點。🟡桔柚黑鱈魚黑鱈魚隔離桔柚泡泡，感覺好似法式Fusion菜。黑鱈魚外脆內嫩，一磚磚既形狀好易入口。醬汁酸酸甜甜，好開胃。🟢鵝肝流心脆球外型精緻，外層鬆脆，入面有滿滿鵝肝蓉，鵝肝蓉油香，口感好似食緊湯圓咁。🔵法式油封鴨黑醋野菜一上碟估唔到個份量都幾多，油封鴨肥瘦適中，鴨肉連住油脂味濃既脂肪，好香口。而配上黑醋野菜可以一解油膩感。🟣松茸海膽越光米越光米口感充實飽滿，較有黏性，食落去啖啖松茸同海膽香氣。