越男仔 (Moved) New Location

未夠鐘去整指甲，就同朋友周圍行下搵野食。本來想light d食cafe，但想去果間夜晚只提供飲品冇野食，就去左隔離嘅越南餐廳。一入到去，老闆就安排座位(張櫈係冇得挨的)，然後提示我地枱底有得勾袋。其實真係要，因為座位都幾窄。朋友嗌左青檸梳打，又係一個依家好興嘅倒轉設計，好大杯，幾好味。至於呢個攞哂獎嘅蝦多士，可能因為我不太好芝士，所以冇咩特別好食的感覺。我嗌左手撕雞扎肉椰汁酸湯檬粉，仲有一杯熱飲，香茅薑蜜。個湯底冇想像中咁怪，椰味唔濃烈再加淡淡的酸味，檬粉比正常的幼少少。至於杯薑蜜就幾有驚喜，雖然都幾辣但好好味。呢餐飯俾我感覺平平，唔會特別好想再食但唔係難食。