滿軒新派粵菜 (Closed)

位於尖沙咀厚福街的滿軒新派粵菜，係一間中式粵菜館，晚市有粵菜小炒供應，午市則有全手工製作點心、明爐燒味、炒粉麵飯等等。平日下午茶時段各款點心都係$20（燒賣蝦餃除外）水晶鮮蝦餃蝦餃size比平時酒樓的大隻，外皮厚薄適中，內裏啖啖鮮蝦肉，爽口彈牙夠晒新鮮，皮薄餡靚，無得頂呀！蟹籽燒賣皇體型份量同樣十足的燒賣皇，豬肉同鮮蝦比例均一，啖啖豬肉香亦有唔少鮮蝦味，好好食潮州蒸粉果晶瑩剔透的粉果皮好Q彈，有嚼勁，富米香！裏面包着大量沙葛、花生、西芹、蔥花、等等配料，味道同口感層次都好豐富呢金龜叉燒包中式叉燒包、西式叉燒包或雪山叉燒包就食得多，呢個外表造型可愛的金龜叉燒包真係第一次食！面上有一層金黃菠蘿皮，甜甜的，內裏係半肥瘦叉燒肉餡，好睇又好食龍皇鮮竹卷呢個鮮竹卷獨特之處就係用龍蝦湯浸住，好矜貴。鮮腐竹外皮好嫩滑，有豆香，內裏係豬肉同雜菜餡料，感覺健康春風得意腸粉呢個係非一般的蝦腸粉，嫩滑腸粉內裡包住鮮蝦春卷，即叫即炸所以春卷口感好酥脆，仲充滿蝦肉香添，唔使點豉油都好好食太極馬拉糕馬拉糕外型呈太極狀，黑色的一邊係竹炭味～口感鬆軟，帶有黃糖香，甜度適中，好好味呢