嵐月 (AIRSIDE)

Open Now

Now Closed

係🚇啟德 Airside 想搵間精緻嘅中菜餐廳🥢，我一定會揀呢間嵐月😍，佢裝修充滿現代園林🏞️風格，門口又有酒吧🍸位感覺好休閒舒適。佢哋又唔少🫖茶葉選擇而且十分之高質👍，絕對係非一般酒家嘅質素🥰。茶薰鴨🦆工序複雜唔係週圍都有得食，呢度🤩整得比我預期中要好，🫖茶味夠香鴨肉肥美🤤而且肉質十分之嫩滑。鮮沙薑乾煎🐟鱈魚腩係用咗沙薑雞嘅做法去處理😋鮮味嘅鱈魚腩，味道好香濃得嚟仲👍保持到魚嘅鮮味，而且佢係🐟魚腩位又肥又嫩滑！香煎🔥花膠扒拌三色藜麥呢個配搭幾有😍創意，花膠好鮮味而且煎嘅做法令到佢🐟加添一份惹味，再配上三色藜麥😊一齊食口感十分豐富。皇帝蟹🦀脆米泡飯入口充滿🐟魚湯同埋皇帝蟹肉嘅鮮味，🤩入面仲有唔少乾瑤柱，完全係🌊海洋氣息嘅精華，食嘅時候先加上🍚脆米層次感極佳！石獅黑麻糕其實係🦁石獅子造型嘅黑芝麻糕🍮，造型一流十分細緻，👍黑芝麻味香濃入口幼滑🤤，配上少少餅碎一齊食更加香甜美味😋。