金啫の鍋 (Closed)

今晚約左個fd兩個人一齊去試新嘢金啫の鍋，一去到侍應們就好殷勤甘招呼我地，話我地知有得兩小時內任食，等緊個陣仲可以睇下電視，餐廳環境都好新淨坐得好舒服。由於我個fd唔食辣所以就叫左原味雞煲，起初仲擔心唔辣會好淡味，估唔到有驚喜，d雞好滑同埋吸哂d汁勁開胃，之後侍應同我地講可以揀多兩款海鮮，有蝦、蟹、鮑魚&蟶子，我地就揀左蝦同蟶子都好新鮮，都仲未食完侍應又再幫我地加蜆，d雞汁再加埋海鮮去炒更加好味😋之後我地轉做火鍋打邊爐，叫左豬骨湯底，由於拎飲品同火鍋料係自助形式所以放哂係一個大雪櫃入面，火鍋食材都好豐富，基本嘅蔬菜，肥牛，豬肉、腸仔丸類...都有齊，當然唔少得我最鐘意食嘅魚，如果有更多就好啦😆對於魚我係永遠都唔嫌多!整體嚟講成餐都有驚喜值得一試！