潮薈館

Open Now

Now Closed

潮州妹今晚又去咗九龍城搵下潮州菜食。今次試下呢間新店，試試新派潮州菜館嘅潮州菜夠唔夠地道先。餐廳裝修佈置甚具心思，採用傳統中國風格，牆身是中國山水景色，掛上舊式中國燈籠、古式深色木製餐桌餐椅，配上傳統中國菜壼及餐具等等。令人如置身古代進餐，別具風味。雖然是新派潮州餐館，打開餐牌一睇，除了常見潮州食品、小炒、粥麵之外，較少見嘅例如生醃瑡蚶、生醃蟹、生醃賴尿蝦都有得食。仲有炒薄殼、普寜炸豆腐等等，呢啲直頭係我兒時家庭菜式。《汕頭蠔仔洛》（$108），特別推薦大家一定要試，呢個蠔仔洛是用薯粉開，加上蛋慢煎，入口已經食出不同一般蠔餅。口感較煙靭，蠔仔肥美鮮甜，而周邊嘅蛋香脆，配上魚露提鮮，絕對一試難忘。佢嘅製作方法，令我想起兒時食到媽媽嘅煎蠔餅，製法十分近似，一是用薯粉、二是非油炸而是煎，老實說不是很多地方有。《滷水鵝拼盤》（$158），有鵝片，腩肉片，紅腸，滷豆腐，滷蛋角。滷水夠香夠入味，鵝肉甘香，亦是水準之作。最後忍不住㸃埋個《反沙芋》，雖然呢個芋頭不夠粉香，但發現師傅係糖中混有炒香芝麻粒，大大提升食物香味，功夫之作，可以一試。老闆娘十分好人，知我是潮州妹，見我又鍾意食反沙芋，所以仲請我試