Video
Read full review
2024-09-20
202 views
同家人諗住食呢間餐廳，去到6樓，發現間餐廳唔見咗，一度好傷心以為執咗笠，結果上網search一search，發現搬咗去16樓。新鋪成個裝修style換咗，雖然好新淨，座位亦都好坐，但老實說個人更加鍾意舊舖中間有個水池，古色古香的，不過唔緊要，最緊要食物嘅水準依然就可以。🥢芝麻醬油麥菜🥢炭流沙包🥢蘿蔔絲酥餅🥢水煮魚🥢八色小籠包好少見生食嘅油麥菜，呢度啲油麥菜卷成一扎一扎，擺放得好工整，之後再點芝麻醬食，貌似簡簡單單嘅一道菜式，卻是從來都冇食過。兩者意外地非常合拍，入口爽脆爽脆的，好清新，有種refresh感。黑漆漆嘅流沙包，剝開中央便是橙橙黃黃的流心鹹蛋黃餡，強烈的對比色，望落甚是誘人，食落鹹鹹甜甜的，不錯。雖然流沙包不錯，但要說驚驚艷還是那蘿蔔絲酥餅。外層鬆化綿脆，內層濕潤清甜，層次口感味道都是那麼多恰當好處，即炸熱辣辣的，大家記得小心d食，以防燙口。水煮魚魚片滑溜，油潤富辣香，粉絲煙靭索汁，帶微微芫荽香氣，調味到位，若然魚片份量更多就好。重頭戲八色小籠包，色彩繽紛的，非常iGable，一咬下去，滿滿幸福感湧上心頭，早排先食完鼎泰豐同翡翠拉麵小籠包，老實說個人覺得呢間真心完勝，鼎泰豐小
同家人諗住食呢間餐廳，去到6樓，發現間餐廳唔見咗，一度好傷心以為執咗笠，結果上網search一search，發現搬咗去16樓。
新鋪成個裝修style換咗，雖然好新淨，座位亦都好坐，但老實說個人更加鍾意舊舖中間有個水池，古色古香的，不過唔緊要，最緊要食物嘅水準依然就可以。
🥢芝麻醬油麥菜
🥢炭流沙包
🥢蘿蔔絲酥餅
🥢水煮魚
🥢八色小籠包
好少見生食嘅油麥菜，呢度啲油麥菜卷成一扎一扎，擺放得好工整，之後再點芝麻醬食，貌似簡簡單單嘅一道菜式，卻是從來都冇食過。兩者意外地非常合拍，入口爽脆爽脆的，好清新，有種refresh感。
黑漆漆嘅流沙包，剝開中央便是橙橙黃黃的流心鹹蛋黃餡，強烈的對比色，望落甚是誘人，食落鹹鹹甜甜的，不錯。
雖然流沙包不錯，但要說驚驚艷還是那蘿蔔絲酥餅。外層鬆化綿脆，內層濕潤清甜，層次口感味道都是那麼多恰當好處，即炸熱辣辣的，大家記得小心d食，以防燙口。
水煮魚魚片滑溜，油潤富辣香，粉絲煙靭索汁，帶微微芫荽香氣，調味到位，若然魚片份量更多就好。
重頭戲八色小籠包，色彩繽紛的，非常iGable，一咬下去，滿滿幸福感湧上心頭，早排先食完鼎泰豐同翡翠拉麵小籠包，老實說個人覺得呢間真心完勝，鼎泰豐小籠包頂厚皮了些，亦只有單一口味，翡翠拉麵小籠包肉質鬆散（而且上次食到我腸胃炎🫢），呢間小籠包皮夠薄，味道夠多元化有新意，食嚟食去暫時都係最鍾意呢間。
Post
