仙跡岩 (Closed)

見佢新開張於是入去試下， （ 因為之前喺佐敦同葵芳食過呢間嘢都唔錯）叫咗個小兵哥牛肉麵加奶茶，有d伏伏地， 首先講下啲環境， 佢分開咗兩間鋪一間鋪啲凳就好舒服嘅，係小沙發，而另一間舖呢就好似求其擺幾張凳咁-硬崩崩同亂糟糟完全唔似一間餐廳，咁於是我叫咗平時我最鍾意食嘅嘢食，一嚟到已經發現玩嘢多咗兩嚿白色嘅豆腐，嗰兩舊白色嘅豆腐唔知係咪煲過龍定咩原因食落去鞋颯颯而啲面就 林啤啤， 個湯底又唔夠濃， 至於啲牛肉夾硬到死，佢已經係畀崩沙腩嘅位置但係都係好硬食唔到， 杯奶茶飲落去完全係苦嘅，的而且確係有茶味但有啲劫， 整體都冇出面做得咁好。