Video
Read full review
2015-11-25
660 views
本人係麵包fans，早兩日食完飯經過發現呢間新麵包店已經即時入去行左個圈, 等到今日終於有機會去買包包做午餐了!!其實我係非常非常鍾意食麵包的，但自從醫生下令減肥後才發現麵包的卡路里真的很高. 小小一個腸仔包就260(我試過一次食3個)，就算係無油無糖的傳統法包，中型的都有400。唉......講回這家店，店子很小，店內的店員卻不少，包的選擇不是很多，有好幾種包有放細細塊的供試食。我一開始試了個好似是蕃茄香草包的，少少酸酸地幾好食感覺上又健康，正打算買佢時又試左個柚子牛角包，咁就出事啦！雖然只試食了一小塊，但已經覺得牛角包同清新的柚子好夾啊！正當我站在牛角包架前警告自己牛角包好多牛油的時候，唔通氣的女店員可能見我猶豫太耐，在身旁同我講『呢個仲可以加柚子cream架』。我被打敗了。在店在轉多了兩個圈後我決定了買一個柚子牛角包同一個小芝士包做午餐，正打算下手夾牛角包的時候，眼睛看了一下同一個架最下的黑麥包，就係呢個時候又有把男聲說『呢個好健康架！』就係呢句話提醒左我，快又要見醫生了。最後，就買了店員大哥推薦的黑麥朱古力包($20)：這個黑麥包並不算特別有麥香，也不是很濃朱古力味，但口感超級
其實我係非常非常鍾意食麵包的，但自從醫生下令減肥後才發現麵包的卡路里真的很高. 小小一個腸仔包就260(我試過一次食3個)，就算係無油無糖的傳統法包，中型的都有400。唉......
講回這家店，店子很小，店內的店員卻不少，包的選擇不是很多，有好幾種包有放細細塊的供試食。
我一開始試了個好似是蕃茄香草包的，少少酸酸地幾好食感覺上又健康，正打算買佢時又試左個柚子牛角包，咁就出事啦！雖然只試食了一小塊，但已經覺得牛角包同清新的柚子好夾啊！正當我站在牛角包架前警告自己牛角包好多牛油的時候，唔通氣的女店員可能見我猶豫太耐，在身旁同我講『呢個仲可以加柚子cream架』。我被打敗了。在店在轉多了兩個圈後我決定了買一個柚子牛角包同一個小芝士包做午餐，正打算下手夾牛角包的時候，眼睛看了一下同一個架最下的黑麥包，就係呢個時候又有把男聲說『呢個好健康架！』就係呢句話提醒左我，快又要見醫生了。
最後，就買了店員大哥推薦的黑麥朱古力包($20)：
這個黑麥包並不算特別有麥香，也不是很濃朱古力味，但口感超級好的！外脆內煙韌！這種外皮脆到一路食一路跌的麵包配上一柸熱茶就係個完美的lunch啦！試完呢個包之後我想下次應該會試埋佢的法包，口感應該會一樣咁好的。(不過去到可能又會被牛角包吸引住)。
Post
