契爺鮮入圍煮 (Renamed) View

星期六和家人逛黃埔，晚上在附近食飯，見到餐廳名好有趣，契爺鮮入圍煮，玩晒食字，就去試試。餐廳環境舒適寬敞，仲幾有萬聖節氣氛。濃厚半隻雞煲花膠湯，金金黃黃，色澤吸引，應該是黃油雞，雞皮爽彈，雞肉嫩滑，花膠都幾大隻，用料足。店員幫我們把雞和花膠剪好，服務很周到。金湯香濃鮮味，大家都爭住飲。台山桶蠔超大隻，台山蠔一向有名，果然鮮嫩肉口，口感極佳，入口軟滑多汁，鮮味滿滿。這個必定要試。肥鵝腸，果真夠肥，鵝腸連著肥膏，起初以為好肥膩，滾一會入口之後，滿口甘香，完全不覺肥膩，只感到爽脆中帶著油香。沖繩活水飼豚梅花卷，與一般豚肉味道好唔同，肉質細緻香嫩，一點點豬的腥味都沒有，難道真的活水養飼是不同的，總之好好味。招牌六寶拼盤，有鮮蝦雲吞、水餃、墨丸、牛丸......樣樣都幾好味，我特別喜歡鮮蝦雲吞，蝦好大隻，夠爽口，牛丸都好好味，有鮮牛肉味，十分爽口彈牙。本地手切肥牛，其實不會太肥，油花均勻，肉色紅潤，手切的比一機切的要厚身，入口更有口感，彈牙香滑，高質素。雜錦蔬菜籃，數一數大約有五種不同的蔬菜，種類都幾多，但重點是好新鮮，相當鮮甜爽脆，平時不多食菜的家人都不停食。淮山麵，平日較少食，原來都幾滑，口