樂園魚旦專家 (淘大商場1期)

Open Now

Now Closed

呢間幫襯左冇十次都有八次, 本身都唔打算寫返食評, 但見影左相就順手寫幾句出埋啦~今次係同朋友食, 佢叫左牛三寶幼麪, 我叫左四寶丸河，唔單止夠晒足料，麪嘅份量都好多好夠，我哋仲加左小食同菜，晚餐食到好飽。我地交換啲餸食，所以樣樣都試晒。牛筋牛腩牛肉牛雜都好入味，咬口一流。至於啲丸同埋餃，真係如圖所示大大件，而且食落新鮮冇沙。魚蛋彈牙, 牛筋軟硬適中,兩樣都口感一流,老少皆宜｡特別鍾意個小食墨魚春卷，好爽脆！雖然煎炸但細細件啱啱好呢個價錢絕對超值啦！唔怪之得客似雲來啲店員都好忙，同時間要應付堂食同外賣客，但上菜速度快嘅。希望香港呢啲地道食店多啲&會長存，因為呢種味道確係香港先食到