餃掂手工餃子雲吞專門店

行經太子見到，知道此店手工餃子好出色，今日有機會試下😋。店鋪裝修得簡約整潔，座位闊落。餃子係既叫既煎，熱辣辣零舍好食😍。香煎軟心芝士煎餃 $58.-/ 7隻餃子煎到金黃色，十分香口鬆脆，餡料飽滿又多汁，肉味鮮香，加上香甜嘅粟米及濃郁嘅芝士，勁好食🥰。壽喜燒牛肉煎餃 $76.-/ 10隻餃子同樣煎到金黃香脆，滿滿的牛肉餡，一口咬下，肉汁爆出，口腔內充滿牛肉及油脂香味，令人回味無窮🥰。四川涼皮 小辣 $33.-涼皮軟滑Q彈，撈勻花生碎粒、蔥花、鮮椒粒及辣椒油，十分香辣惹味，越食越辣，越辣越想食🤣。蜜餞雞翼 $35.-雞翼煮得入味，味道香甜帶點點蜜糖香味。蜂蜜檸檬薏米水 $20.-薏米水有檸檬的微酸，又有蜂蜜的香甜味，消暑解渴又去濕，既健康又好飲👍。豆漿 $15.-豆味香濃，冰涼解渴，食煎餃子一流😋。