Video
Read full review
2023-02-17
103 views
同朋友行完囍帖街，轉入隔離巷仔就見到呢間主打食「🐣焼き鳥」嘅居酒屋👹👺門口已經勁有日本地道風味，點知入到去發現原來係日本人主理添！即時好似飛咗轉鄉下啊✈️✈️「🥗薯仔沙律」呢款係送嘅前菜，但係餡料都好豐盛㗎～大大粒咬到嘅薯仔火腿，配上蛋黃醬，一啲都唔失禮～「🦈梅醬鯊魚軟骨」朋友話鯊魚軟骨係好好食，叫我一定要試～但估唔到呢款連佢都覺得超有驚喜🌟呢款係雞軟骨加鯊魚軟骨混合一齊～跟住再加上蟹籽同梅醬，味道同口感都勁有層次！「🦪鹽辛牡蠣冷豆腐」呢款又係勁驚喜之作🌟嚟到同我想像中個樣好有出入⋯但味道好正😋蠔味勁鮮甜配埋硬豆腐仲出奇地夾～絕對係佐酒一流👍🏻👍🏻「🍤雜錦天婦羅」勁好食呀！隻虎蝦好大隻，啖啖肉又彈牙！至於其他雜菜一樣不容忽視，全部都好爽脆又香口～總之成個天婦羅入邊冇一樣嘢係會挑剔～「🐠日本產白燒鰻魚」😋😋同我一樣鍾意食鰻魚嘅朋友係一定一定要點！燒得勁香，鰻魚質地又夠彈牙爽脆～加少少檸檬汁吊味已經夠晒正！「🐔燒雞腿肉伴大根蓉及柑橘酢」我對”おろしポン酢”係零抵抗力～基本上有佢我就覺得夾乜野都會好食左～而事實上佢呢一個燒雞腿肉，都充滿炭火香又肉味濃～如果仲可以再多啲葱我就更加開心啦😛「🔥燒雞串
同朋友行完囍帖街，轉入隔離巷仔就見到呢間主打食「🐣焼き鳥」嘅居酒屋👹👺
門口已經勁有日本地道風味，點知入到去發現原來係日本人主理添！
即時好似飛咗轉鄉下啊✈️✈️
「🥗薯仔沙律」
呢款係送嘅前菜，但係餡料都好豐盛㗎～
大大粒咬到嘅薯仔火腿，配上蛋黃醬，一啲都唔失禮～
「🦈梅醬鯊魚軟骨」
朋友話鯊魚軟骨係好好食，叫我一定要試～
但估唔到呢款連佢都覺得超有驚喜🌟
呢款係雞軟骨加鯊魚軟骨混合一齊～
跟住再加上蟹籽同梅醬，味道同口感都勁有層次！
「🦪鹽辛牡蠣冷豆腐」
呢款又係勁驚喜之作🌟嚟到同我想像中個樣好有出入⋯
但味道好正😋蠔味勁鮮甜配埋硬豆腐仲出奇地夾～
絕對係佐酒一流👍🏻👍🏻
「🍤雜錦天婦羅」
勁好食呀！隻虎蝦好大隻，啖啖肉又彈牙！
至於其他雜菜一樣不容忽視，全部都好爽脆又香口～
總之成個天婦羅入邊冇一樣嘢係會挑剔～
「🐠日本產白燒鰻魚」
😋😋同我一樣鍾意食鰻魚嘅朋友係一定一定要點！
燒得勁香，鰻魚質地又夠彈牙爽脆～
加少少檸檬汁吊味已經夠晒正！
「🐔燒雞腿肉伴大根蓉及柑橘酢」
我對”おろしポン酢”係零抵抗力～
基本上有佢我就覺得夾乜野都會好食左～
而事實上佢呢一個燒雞腿肉，都充滿炭火香又肉味濃～
如果仲可以再多啲葱我就更加開心啦😛
「🔥燒雞串（雞皮/雞腎/雞軟骨/明太子燒雞柳）」
佢地嘅重點係串燒，當然要試試！
雞皮好有自家特色，唔係燒到脆曬嗰種～
感覺係搽咗蜜糖係表面，外面脆但保留到內層軟軟地～
雞腎同雞軟骨都正😋雞腎size都算大粒，充滿咬口，入面又夠Juicy ~
雞軟骨就更加係骨肉勻稱，唔會太肥，高質之作👍🏻
至於明太子燒雞柳，雞柳略嫌燒得乾身左啲～
但配上明太子，味道都好不錯～
「🍙爐燒飯團（牛油醬油/紫蘇味噌」
呢款我都好期待！最後上枱亦都不負眾望～
紫蘇味噌唔算係我杯茶，個人覺得味道有啲似片皮鴨醬～
但牛油醬油就10個讚，勁有粟一燒feel~
再加上飯團外面有啲燒焦，入面又好軟糯～
今餐食埋呢個飯團收尾，絕對大滿足呀！
「🍶茉莉花茶調酒+生榨沖繩香檸燒酎」
ジャスミンハイ（茉莉花茶調酒）有少少失望🤏🏻
茉莉花茶味比想像中淡，但口感都係清爽～
卡路里亦都較低，非常適合解肥膩～
至於朋友嘅沖繩香檸燒酎係必點！
香檸味滿滿，酸甜並重，齒頰留香❤️
Post
