Video
Read full review
2022-10-30
593 views
唉~仲未安排到時間去日本旅行，唯有繼續食下日本嘢，解吓鄉愁先啦。今日特登嚟太子呢間居酒屋，因為曾經喺網上見過呢間居酒屋，真係好有日本feel，無論擺設或者裝修，都好有日本嘅感覺，最鍾意係佢有個 "朝" 字嘅殘月招牌，殘月潮退，旭日初升，甚有詩意。睇埋menu，餐廳食物都幾多唔同種類，有炸物、野菜、小食、料理、沙律、麵、當然唔少得嘅喺燒物啦，燒物都有分開海鮮、豬、牛、雞、羊。 朋友鍾意食牛舌，咁就叫鹽燒牛舌($78)，厚切唔羶、易咬，都幾唔錯。我鍾意食芝士年糕($58)🍡，咁呢度有，緊係一定要叫啦。芝士年糕都係一貫水準啦，都做到流心效果，芝士慢慢融化真係好好味。除此以外，我呢個芝士控當然唔會放過呢度嘅特別推介- 邪惡玉子燒啦($98)!呢個玉子燒🧈真係邪惡到不得了!!煎得金黃嘅蛋裡面，包住半溶芝士，食起上嚟仲可以有拉絲，又滑又軟、濃濃嘅蛋香、甜中帶鹹，仲要外層金黃軟腍，呢個真係一定要試。👍 食幾樣嘢又點夠呢？我地仲叫左🍡🍡汁燒頂級安格斯牛肉串($58) 細細粒，軟腍唔韌鹽燒雞軟骨($38)又係細細粒，軟骨同肉比例均稱鹽燒雞腎($30)配有蒜蓉，勁香蒜味醬燒冬菇($32)夠晒濃味蒲燒鰻魚(
睇埋menu，餐廳食物都幾多唔同種類，有炸物、野菜、小食、料理、沙律、麵、當然唔少得嘅喺燒物啦，燒物都有分開海鮮、豬、牛、雞、羊。
朋友鍾意食牛舌，咁就叫鹽燒牛舌($78)，厚切唔羶、易咬，都幾唔錯。
我鍾意食芝士年糕($58)🍡，咁呢度有，緊係一定要叫啦。芝士年糕都係一貫水準啦，都做到流心效果，芝士慢慢融化真係好好味。
燒芝士年糕
$58
24 views
0 likes
0 comments
除此以外，我呢個芝士控當然唔會放過呢度嘅特別推介- 邪惡玉子燒啦($98)!呢個玉子燒🧈真係邪惡到不得了!!煎得金黃嘅蛋裡面，包住半溶芝士，食起上嚟仲可以有拉絲，又滑又軟、濃濃嘅蛋香、甜中帶鹹，仲要外層金黃軟腍，呢個真係一定要試。👍
食幾樣嘢又點夠呢？我地仲叫左🍡🍡
汁燒頂級安格斯牛肉串($58) 細細粒，軟腍唔韌
鹽燒雞軟骨($38)又係細細粒，軟骨同肉比例均稱
鹽燒雞腎($30)配有蒜蓉，勁香蒜味
醬燒冬菇($32)夠晒濃味
蒲燒鰻魚($98)都有大約1/3條，幾厚肉，皮脆肉嫩
🍶今晚最滿意一定係啜啜啫喱柚子酒($218)，本身鍾意柚子嘅果香，店員又話呢個都多人叫，我地又跟住叫埋一份，斟落酒杯仔時見到樽口流出稀鬆嘅啫喱，急不及待一口乾杯，勁易入口，有酒香、果香，加埋滑捊捊嘅啫喱，好好味。
啜啜啫喱酒
$218
11 views
0 likes
0 comments
今晚完全滿足到我未能親身飛到日本嘅缺失，高階居酒屋嘅裝修+服務，滿滿日本味嘅串燒，正！
結賬起身走人，忽然見到牆身貼了宣傳 ，原來不同時段都有不同嘅清酒優惠……今晚竟然錯過了這個優惠價……遺憾是下次再光顧嘅理由。😅
Post
