Video
Read full review
2023-04-14
332 views
復活節假期冇去外地旅行，留喺香港用舌尖旅行一樣得姐～第一站係日本東京。呢間麺屋こころ Kokoro Tokyo Mazesoba主打撈麵。拉麵沾麵就食得多，到底日本嘅撈麵係點㗎呢？.一坐低見到有張紙教你點食東京撈麵。首先係撈勻啲醬料，食咗三份一之後加黑胡椒，食咗三份二就加秘製香醋。食完晒啲麵之後仲剩返啲配料嘅話，仲可以免費撈白飯做肉燥飯添。食法都幾特別，食個麵可以幾個花臣。.明太子忌廉撈麵 $89 (M) / $99(L)呢個麵材料有叉燒、蛋黃、蔥花、水菜、唐辛子絲、生蒜、魚粉，同埋大大個球狀嘅明太子。叉燒有兩塊，表面微焦，肥瘦適中。明太子味道鹹鮮，帶點辣味，配搭忌廉醬汁，再撈匀蛋黃，質感有啲似食緊carbonara，但佢個麵條同意粉唔同，非常煙靭彈牙，所以口感更勝一籌。.柚子鹽味撈麵 (冷）$79 (M) / $89(L)相比喺明太子忌廉撈麵嘅濃稠，呢個柚子鹽味撈麵就非常light，有夏天嘅感覺。柚子鹽味非常清新，淡淡嘅柚香加上柚子皮碎，再配合埋爽脆嘅竹筍，雞肉經過慢煮，非常嫩滑。食完呢個撈麵非常開胃！.雞皮餃子$43雞皮餃子嘅皮用咗雞皮做，一口size，炸得脆卜卜，啖啖肉，配埋特製
第一站係日本東京。呢間麺屋こころ Kokoro Tokyo Mazesoba主打撈麵。拉麵沾麵就食得多，到底日本嘅撈麵係點㗎呢？
.
一坐低見到有張紙教你點食東京撈麵。首先係撈勻啲醬料，食咗三份一之後加黑胡椒，食咗三份二就加秘製香醋。食完晒啲麵之後仲剩返啲配料嘅話，仲可以免費撈白飯做肉燥飯添。食法都幾特別，食個麵可以幾個花臣。
.
明太子忌廉撈麵
$89
18 views
0 likes
0 comments
明太子忌廉撈麵 $89 (M) / $99(L)
呢個麵材料有叉燒、蛋黃、蔥花、水菜、唐辛子絲、生蒜、魚粉，同埋大大個球狀嘅明太子。叉燒有兩塊，表面微焦，肥瘦適中。
明太子味道鹹鮮，帶點辣味，配搭忌廉醬汁，再撈匀蛋黃，質感有啲似食緊carbonara，但佢個麵條同意粉唔同，非常煙靭彈牙，所以口感更勝一籌。
.
柚子鹽味撈麵
$79
30 views
0 likes
0 comments
柚子鹽味撈麵 (冷）$79 (M) / $89(L)
相比喺明太子忌廉撈麵嘅濃稠，呢個柚子鹽味撈麵就非常light，有夏天嘅感覺。柚子鹽味非常清新，淡淡嘅柚香加上柚子皮碎，再配合埋爽脆嘅竹筍，雞肉經過慢煮，非常嫩滑。食完呢個撈麵非常開胃！
.
雞皮餃子
$43
36 views
0 likes
0 comments
雞皮餃子$43
雞皮餃子嘅皮用咗雞皮做，一口size，炸得脆卜卜，啖啖肉，配埋特製嘅芥末醬，增添風味之餘唔嗆鼻，唔錯！
.
北海道3.7牛乳海鹽雪糕
$36
15 views
0 likes
0 comments
北海道3.7牛乳海鹽雪糕$36
用3.7濃度嘅北海道牛乳同埋沖繩海鹽製作嘅雪糕，我覺得食落有啲似不二家嘅牛奶糖味，係回憶嘅味道。
.
焙茶latte
13 views
0 likes
0 comments
焙茶latte
用玻璃瓶裝住非常精緻❤️茶味同奶香頗平衡，但個人焙茶味再出啲會更好。飲之前記住要搖勻，因為啲焙茶粉會沉底。
Post
