Video
Read full review
2021-10-31
1443 views
一直都好想食啲高質燒肉，經朋友推介，今次就嚟咗黃埔嘅呢一間日式燒肉店😍今日我哋book咗六點，估唔到入面已經好多人食緊😱所以入到去已經好香燒肉味～一係唔食，一係就食盡佢！我哋叫咗個黑毛和牛盛合 (雅) ($998)🥩上面寫住二人前，入面有鹽味牛舌、和牛腹前小排、黑毛和牛內橫隔膜、和牛西冷180G、特上牛胸腹肉同黑毛和牛上肋骨中肉😍一上枱已經急不及待好想食！最普通嘅特上牛胸腹肉都已經好好食～雖然油脂感唔係好重，但係好有牛味，肉質都幾有彈性～黑毛和牛內橫隔膜就會多多少少油脂，黑毛和牛上肋骨中肉係原條上，燒好再剪，所以肉會比較厚，但就會韌少少～牛舌係薄切，燒得啱啱好嘅話唔會韌，好好味👍而不分上下嘅會有和牛腹前小排同和牛西冷🤤🤤我鍾意和牛西冷，因為覺得佢肥瘦均勻，有油脂香，同時好濃嘅牛味😍男朋友就投腹前小排一票，因為佢真係超級勁油香！質感係比較淋身，可以話係入口即溶🤣食完好似唔係好夠喉，我哋再叫咗一個牛板腱肉 ($98)😆當然油花一定冇和牛咁靚，但係都算好好味😋質感同肉味都勝過好多平日食嘅燒肉🤣食燒肉一定要叫嘢飲🤣我哋叫咗一杯乳酸梳打 ($38) 同埋青森蘋果乳酸梳打 ($42)，味道正常，幾
一係唔食，一係就食盡佢！我哋叫咗個黑毛和牛盛合 (雅) ($998)🥩上面寫住二人前，入面有鹽味牛舌、和牛腹前小排、黑毛和牛內橫隔膜、和牛西冷180G、特上牛胸腹肉同黑毛和牛上肋骨中肉😍一上枱已經急不及待好想食！
黑毛和牛盛合 (雅)
$998
23 views
1 likes
0 comments
最普通嘅特上牛胸腹肉都已經好好食～雖然油脂感唔係好重，但係好有牛味，肉質都幾有彈性～黑毛和牛內橫隔膜就會多多少少油脂，黑毛和牛上肋骨中肉係原條上，燒好再剪，所以肉會比較厚，但就會韌少少～牛舌係薄切，燒得啱啱好嘅話唔會韌，好好味👍而不分上下嘅會有和牛腹前小排同和牛西冷🤤🤤我鍾意和牛西冷，因為覺得佢肥瘦均勻，有油脂香，同時好濃嘅牛味😍男朋友就投腹前小排一票，因為佢真係超級勁油香！質感係比較淋身，可以話係入口即溶🤣
食完好似唔係好夠喉，我哋再叫咗一個牛板腱肉 ($98)😆當然油花一定冇和牛咁靚，但係都算好好味😋質感同肉味都勝過好多平日食嘅燒肉🤣
牛板腱肉
$98
17 views
0 likes
0 comments
食燒肉一定要叫嘢飲🤣我哋叫咗一杯乳酸梳打 ($38) 同埋青森蘋果乳酸梳打 ($42)，味道正常，幾解膩～
乳酸梳打、青森蘋果乳酸梳打
17 views
0 likes
0 comments
最後每人會有一客甜品，估唔到咁有心會有兩樣嘢😍一款係杏仁布甸，超級濃杏仁味，都好滑😋另一款係雲尼拿糯米糍，個皮薄而煙韌，好好味🤤
甜品
13 views
0 likes
0 comments
整體嚟講，今次呢餐質素對得住個價錢😋食得好滿足啊😆😆
Post
