Video
Read full review
2024-04-23
92 views
ᵕ̈ ᵕ̈ ᵕ̈ #heyfoodly_東涌#heyfoodly_日式快快脆脆寫左呢間先🤣呢間係日本好出名食海鮮丼既名店，聽聞如果係日本想食要排成2個鐘隊😮食既時候都係咁聽到在場既人講「終於唔洗係日本排餐死啦」。個menu其實好簡單，得4款丼飯同幾款野飲，另外有刺身/魚湯可以俾錢追加。4款丼飯個base都係一樣，唔同係最平既「梅」係無蟹肉，另外3款係有蟹肉。仲有2款係有埋海膽，而最貴果個就係全部增量。我就分別叫左一款有蟹無海膽既「竹」同埋增量既「特上」，另外仲追加左份刺身。追加刺身💰$48其實全部丼飯都包左一份4片既刺身。我見佢有得order刺身，我仲諗緊會唔會有其他刺身添，點知係我諗多左🤣😂當日食係油甘魚既刺身，唔算好厚但一d都唔腥同肉質係彈牙新鮮既。佢建議可以先食2片，留番2片到時加落湯到一齊食。竹 💰$198，特上💰$298呢兩個既分別係貴d果個有海膽同刺身份量多左，所以我就一齊寫啦。佢每一枱都個牌寫建議食法，呢個聽聞係日本無既，所以香港都幾貼心。不過佢上枱既時候店員都會再輕輕講一次，佢地建議先鋪平d魚生，然後將Wasabi加入特製蛋黃醬再淋番上面，食淨1/3時可以叫佢地幫手加湯。我本
#heyfoodly_東涌
#heyfoodly_日式
快快脆脆寫左呢間先🤣
呢間係日本好出名食海鮮丼既名店，聽聞如果係日本想食要排成2個鐘隊😮食既時候都係咁聽到在場既人講「終於唔洗係日本排餐死啦」。
個menu其實好簡單，得4款丼飯同幾款野飲，另外有刺身/魚湯可以俾錢追加。
4款丼飯個base都係一樣，唔同係最平既「梅」係無蟹肉，另外3款係有蟹肉。仲有2款係有埋海膽，而最貴果個就係全部增量。
我就分別叫左一款有蟹無海膽既「竹」同埋增量既「特上」，另外仲追加左份刺身。
追加刺身💰$48
其實全部丼飯都包左一份4片既刺身。我見佢有得order刺身，我仲諗緊會唔會有其他刺身添，點知係我諗多左🤣😂
當日食係油甘魚既刺身，唔算好厚但一d都唔腥同肉質係彈牙新鮮既。佢建議可以先食2片，留番2片到時加落湯到一齊食。
竹 💰$198，特上💰$298
呢兩個既分別係貴d果個有海膽同刺身份量多左，所以我就一齊寫啦。
佢每一枱都個牌寫建議食法，呢個聽聞係日本無既，所以香港都幾貼心。
不過佢上枱既時候店員都會再輕輕講一次，佢地建議先鋪平d魚生，然後將Wasabi加入特製蛋黃醬再淋番上面，食淨1/3時可以叫佢地幫手加湯。
我本身就唔太好海膽既，但呢個海膽算幾好食，total有5塊都算大片同埋完整。就咁食就食到個鮮甜，但撈埋個飯一齊食既話，可能有埋其他海鮮我就覺得有d腥啦。
另外個飯既海鮮係有紅鱈蟹，鮭魚子，赤蝦，鯡魚子，象拔蚌，螺肉，魷魚，金槍魚同埋金槍魚蓉。但好老實講，除左面頭好多既金槍魚蓉同兩款魚子外，其實唔係好食得出有咩😂係間唔中食到口感有d煙韌既海鮮，同埋有青瓜+小小紫蘇葉令成個飯fresh d。不過以我咁驚腥既人都ok咁證明佢d材料都新鮮既。
至於加湯方面，佢既份量係有standard ，如果想叫佢再加d就要俾錢追加盛惠$38😂叫完店員佢會加埋小小三芹葉，茗荷同埋青檸皮。我自己幾鐘意加左湯，成個鮮甜味更出，但海膽咁樣食就有d苦。可能因為本身入邊啲嘢係凍啦，加咗湯之後其實都唔算好熱，暖暖地咁樣食完都幾舒服。但如果可以我想試下原汁原味既湯係點既，所以我寧願佢另外上湯俾我會開心d。😂
我平日6:45到前面就有2-3個人排隊，10分鐘左右就入得。但7:30食完出黎都有20個人左右排隊，所以如果想試都要俾d耐性。
❍ ❍ ❍ ❍ ❍ ❍ ❍ ❍ ❍ ❍ ❍ ❍ ❍ ❍ ❍✨
日本橋海鮮丼 つじ半 TSUJIHAN (東涌)
東涌達東路20號東薈城名店倉B1樓B13號舖
#heyfoodly_hk#美食#香港美食#hkig#foodie#hkfood#hkfoodie#hkrestaurant#東涌美食##東涌#日式#丼飯#過江龍#刺身#茶漬飯#日本排隊名店#海鮮丼#日本橋海鮮丼#Tsujihan
Post
