Video
Read full review
2022-07-22
205 views
會展站開咗梗係搵吓附近有咩好食，諗起上次食呢個商場樓下間餐廳果陣已經留意到開咗間高質日本壽喜燒。返工咁攰又受氣，所以揀咗間好嘢慰勞自己🤗補充返啲Energy前菜（和風蕃茄、日本和牛他他、岩手生蠔、柚子蘿蔔漬物）店員推介由前至後食起，味道多層次，生牛肉新鮮無腥味，生蠔肥美多汁🇯🇵日本產特選黑毛和牛壽喜燒🐮$689牛肉屬於A5級別，一份三片牛，油脂分布非常均勻，色澤鮮艷。首先燒一燒啲牛就可以加壽喜燒汁，再輕輕燒下就食得，咬落去入口即溶，口感軟綿綿，蘸日本蛋食超級好味🥰🥰🥰🇯🇵日本產黑毛和牛壽喜燒(赤身肉)🐮$529赤身肉級別達A3，色澤紅潤，相對冇咁多油脂。個人比較偏好A3，較為有口感，亦都冇咁膩，同樣都入口即溶每款牛試完燒嘅做法之後就可以加野菜落鍋，然後再加昆布汁去煮大約5分鐘，味道鮮甜。店員就推介我地夾野菜食埋最後果片牛，灑上柚子七味粉，甘香惹味。最後加埋個烏冬，吸晒啲鮮味，質地幼滑彈牙食甜點前就可以先飲白川茶，淡淡清香，解一解主食嘅油膩感。店員推薦由抹茶蕨餅食起，之後就到花花形嘅和菓子，最後就係十勝紅豆。味道淡到重，唔會重疊咗個味道。蕨餅食落煙韌；和菓子入面包左紅豆蓉，有外貌仲有內涵
會展站開咗梗係搵吓附近有咩好食，諗起上次食呢個商場樓下間餐廳果陣已經留意到開咗間高質日本壽喜燒。返工咁攰又受氣，所以揀咗間好嘢慰勞自己🤗補充返啲Energy
前菜（和風蕃茄、日本和牛他他、岩手生蠔、柚子蘿蔔漬物）
店員推介由前至後食起，味道多層次，生牛肉新鮮無腥味，生蠔肥美多汁
🇯🇵日本產特選黑毛和牛壽喜燒🐮$689
牛肉屬於A5級別，一份三片牛，油脂分布非常均勻，色澤鮮艷。首先燒一燒啲牛就可以加壽喜燒汁，再輕輕燒下就食得，咬落去入口即溶，口感軟綿綿，蘸日本蛋食超級好味🥰🥰🥰
🇯🇵日本產黑毛和牛壽喜燒(赤身肉)🐮$529
赤身肉級別達A3，色澤紅潤，相對冇咁多油脂。個人比較偏好A3，較為有口感，亦都冇咁膩，同樣都入口即溶
每款牛試完燒嘅做法之後就可以加野菜落鍋，然後再加昆布汁去煮大約5分鐘，味道鮮甜。店員就推介我地夾野菜食埋最後果片牛，灑上柚子七味粉，甘香惹味。最後加埋個烏冬，吸晒啲鮮味，質地幼滑彈牙
食甜點前就可以先飲白川茶，淡淡清香，解一解主食嘅油膩感。店員推薦由抹茶蕨餅食起，之後就到花花形嘅和菓子，最後就係十勝紅豆。味道淡到重，唔會重疊咗個味道。蕨餅食落煙韌；和菓子入面包左紅豆蓉，有外貌仲有內涵，淨係欣賞都欣賞咗好耐；十勝紅豆則偏甜
食埋個甜品，為呢一餐畫上完美嘅句號💕店員會主動幫手煮壽喜燒，唔洗怕煮過頭，十分貼心。舖頭裝修都好有日式風格，令人覺得真係去左日本咁呀🥰
Post
