Video
Read full review
2024-05-20
322 views
係日本大受歡迎🔥超級難book嘅日式漢堡名店挽肉と米進軍香港，旋即成為熱話，唔少人食過日本本店話念念不忘好想再食。我自己就未試過日本version，不過呢日攞到一個quota可以嚟實測係咪真係咁值得食🤪餐廳係IFC商場4樓天台位，樓底高，採光好。外面就有1x人排隊，或者可以試吓上網book，不過開放quota唔多。餐廳獨沽一味淨係賣一款$138挽肉と米套餐🍱有3件漢堡、白飯任裝、麵豉湯、蛋。每件漢堡都可以有唔同食法，餐檯有好多setting，放置唔同調味料，估唔到食件漢堡都有咁多嘢玩，抵佢紅👏🏻店內由搓漢堡、用大釜鍋煮飯、用炭爐燒漢堡，所有過程一覽無遺👀邊睇準備過程邊等上菜，期待感的確會大大提高😛呢日仲見到將餐廳引入香港嘅敍福樓老闆黃傑龍嚟食飯添🤣🤣店員都好熱情好nice（可能因為老闆在場😂）。挽肉と米套餐🍔一食第一舊漢堡先試原味。外層充滿炭香🤩之前睇Alfred Chan Youtube話第一日開張，漢堡過鹹又唔夠汁，所以我都不抱太大期望，點知喜出望外🥰🥰完全唔鹹兼且超級超級超級多汁💦係完全爆汁💦漢堡肉質超鬆化，裡面食到已化開嘅洋蔥碎，炭香+肉香已經夠好食😋😋米飯呢日採用長野縣米，都
挽肉と米套餐
🍔一食
第一舊漢堡先試原味。外層充滿炭香🤩之前睇Alfred Chan Youtube話第一日開張，漢堡過鹹又唔夠汁，所以我都不抱太大期望，點知喜出望外🥰🥰完全唔鹹兼且超級超級超級多汁💦係完全爆汁💦漢堡肉質超鬆化，裡面食到已化開嘅洋蔥碎，炭香+肉香已經夠好食😋😋米飯呢日採用長野縣米，都幾軟熟。餐廳中間有幾個羽釜鍋不斷烹煮新鮮熱辣白飯，香港真係未必見過👍🏻
🍔兩食
第二塊就可以配七彩調味。最signature一定係店家特製豆拌醬油，鹹香醬油混入大量黃豆，有種發酵過嘅香味😚配飯一流。另外可配生醬油、唐辛子、唐辛子檸檬、麻辣粉、椒麻醬等，全部都唔係普通料👏🏻尤其唐辛子檸檬、椒麻醬嘅惹味，令漢堡嘅味道增添層次😙😙中間仲可以食吓梅子醋漬白菜同埋特製柚子醋蘿蔔蓉，清一清味蕾。
🍔三食
一個套餐包一隻蛋🥚可以係餐廳中間位置自己攞。建議可以留多啲白飯或者再添飯，因為蛋汁好多。不過個人最喜歡漢堡+白飯+豆拌醬油+少少唐辛子，味道好豐富❤️
🍲麵豉湯
🍋檸檬梳打
如果係網上booking係要另外叫一杯飲品，檸檬梳打有好多果肉好清新😛
人均消費：$190
推介指數（10分為滿分）：8.5分
Post
