Video
Read full review
2009-05-17
93 views
17-5-2009知道呢度開了間頗地道 look 的日本餐廳, 呢日專登拉埋朋友由銅鑼灣過來試試, 叫了「松」($150) 及「竹」($100) 壽司定食各一 share 食. 唔知係店員漏了單定師傅太忙唔得閒理我0地, 等了差不多半個鐘先有得食 @_@"前菜係汁煮茄子, 軟軟甜甜, 加埋面頭辣辣0地的蘿白茸, 幾開胃.蒸蛋夠滑溜, 味道清甜, 配料有冬菇, 雞肉及鳴門卷, 特別欣賞雞肉輕輕燒過, 食落帶點焦香, 幾好食.「松」比「竹」多了 6 件卷物, 不過賣相咁 hea 味道麻麻的(麵粉)蟹柳蟹籽反卷要 top up 成 $50, 抵唔抵你話喇 -_-" 各位主角亦十分麻麻, 太港式了 -- 壽司飯一夾即散, 食落無醋味的? Wasabi 又係「牙膏」, 真係... 最好食係甜蝦, 起碼叫做鮮甜; 帶子新鮮度都 ok; 鱆紅魚都不錯, 魚味頗濃; 其他就無喱味道, 好有「元氣」的感覺, 不值一提. 不過魷魚就不得不提, 因為係太厚切咬唔開, 又食到成日泡的, 難吃. 食完先見到 bar 檯個男人 order 的天婦羅及烏冬賣相靚咁多, 早知唔食壽司啦. 壽司咁港式, 環
知道呢度開了間頗地道 look 的日本餐廳, 呢日專登拉埋朋友由銅鑼灣過來試試, 叫了「松」($150) 及「竹」($100) 壽司定食各一 share 食. 唔知係店員漏了單定師傅太忙唔得閒理我0地, 等了差不多半個鐘先有得食 @_@"
前菜係汁煮茄子, 軟軟甜甜, 加埋面頭辣辣0地的蘿白茸, 幾開胃.
蒸蛋夠滑溜, 味道清甜, 配料有冬菇, 雞肉及鳴門卷, 特別欣賞雞肉輕輕燒過, 食落帶點焦香, 幾好食.
「松」比「竹」多了 6 件卷物, 不過賣相咁 hea 味道麻麻的(麵粉)蟹柳蟹籽反卷要 top up 成 $50, 抵唔抵你話喇 -_-" 各位主角亦十分麻麻, 太港式了 -- 壽司飯一夾即散, 食落無醋味的? Wasabi 又係「牙膏」, 真係... 最好食係甜蝦, 起碼叫做鮮甜; 帶子新鮮度都 ok; 鱆紅魚都不錯, 魚味頗濃; 其他就無喱味道, 好有「元氣」的感覺, 不值一提. 不過魷魚就不得不提, 因為係太厚切咬唔開, 又食到成日泡的, 難吃.
食完先見到 bar 檯個男人 order 的天婦羅及烏冬賣相靚咁多, 早知唔食壽司啦.
壽司咁港式, 環境就反而好日本 feel, 除0左檯上的濕紙巾之外 店員及經理其實幾有禮貌, 但太有求唔應了, 等落單等食物等埋單總共都唔知等了幾多個字, 感覺麻麻.
埋單每人約 $130, 唔值, 食壽司都係行多幾步去和富 (http://www.openrice.com/restaurant/commentdetail.htm?commentid=1955167) 0個間好了. 唔知熟吃的會唔會好 d?
P.S. 今次有叫錯0野之嫌, 有機會再食烏冬 / 蕎麥麵吧.
Post
