Video
Read full review
2024-08-01
454 views
我同朋友去咗QRE Plaza 嘅人氣餐廳-炭兎。七點半左右就已經全場爆滿，想去嘅記得卜枱。 首先上枱嘅係鐵盒燒廣島生蠔 (6pc) $240可加配 拉克萊特芝士🧀 加$40生蠔原隻放入鐵盒燒，原汁原味，蠔肉鮮甜飽滿，每一啖都充滿海洋嘅氣息，加上軟糯嘅拉克萊特芝士，整個味道層次升級，芝士嘅濃香同生蠔嘅鮮味好match，簡直係味蕾嘅雙重享受。 接住嚟係炭燒"雞"Chacoal $168雞肉烤得香氣四溢，唔好睇佢外表黑漆漆，炭燒嘅香味滲透到每一絲雞肉肌理，正。 再嚟就係栃尾油炸豆腐$78外層炸得金黃酥脆，咬落去仲有啲唔同嘅層次感，伴上魩魚仔，再加點姜蓉，幾特別。 炙燒和牛卡爾帕喬$188每片和牛都係薄切，油花好靚，入口即化，火炙嘅香氣同和牛嘅油脂完美融合，真係一個字：正！加上香葱，檸汁同芝士碎，味道新鮮又去膩。 明太子芝士蛋卷$108 亦都係唔可以錯過，蛋卷煎得金黃鬆軟，內餡嘅明太子同芝士好夾，鹹香中帶點辣味，食完真係好回味。 寿司10貫$268每一貫壽司都新鮮精緻，魚生嘅質感同米飯嘅黏度恰到好處。最愛帶子同火炙左口魚邊壽司，前者鮮甜啖啖肉，後者軟嫩，油香滿滿。當日有五枱客人慶祝生日，餐廳
首先上枱嘅係鐵盒燒廣島生蠔 (6pc) $240可加配 拉克萊特芝士🧀 加$40
生蠔原隻放入鐵盒燒，原汁原味，蠔肉鮮甜飽滿，每一啖都充滿海洋嘅氣息，加上軟糯嘅拉克萊特芝士，整個味道層次升級，芝士嘅濃香同生蠔嘅鮮味好match，簡直係味蕾嘅雙重享受。
接住嚟係炭燒"雞"Chacoal $168
雞肉烤得香氣四溢，唔好睇佢外表黑漆漆，炭燒嘅香味滲透到每一絲雞肉肌理，正。
再嚟就係栃尾油炸豆腐$78
外層炸得金黃酥脆，咬落去仲有啲唔同嘅層次感，伴上魩魚仔，再加點姜蓉，幾特別。
炙燒和牛卡爾帕喬$188
每片和牛都係薄切，油花好靚，入口即化，火炙嘅香氣同和牛嘅油脂完美融合，真係一個字：正！加上香葱，檸汁同芝士碎，味道新鮮又去膩。
明太子芝士蛋卷$108 亦都係唔可以錯過，蛋卷煎得金黃鬆軟，內餡嘅明太子同芝士好夾，鹹香中帶點辣味，食完真係好回味。
寿司10貫$268
每一貫壽司都新鮮精緻，魚生嘅質感同米飯嘅黏度恰到好處。最愛帶子同火炙左口魚邊壽司，前者鮮甜啖啖肉，後者軟嫩，油香滿滿。
當日有五枱客人慶祝生日，餐廳派了每人一小杯清酒一齊cheers慶生🎉，又打鼓🥁，好有氣氛。
Post
