馬祖台灣養生湯麵館 (厚福街)

Open Now

Now Closed

晚上在尖沙咀周圍行搵嘢食，見好多舖頭都好普通，但價錢又貴。當轉入厚福街見到呢間養生面店，幾特別進去一試。當見到餐牌時覺得好多選擇好似好混亂。但諮詢店員後發覺全部湯都應該係同一養生湯底，然後加唔同料。單叫一個麵大概$60-70。晚市套餐，有一杯嘢飲，一個小食，同埋揀二種餸，就$99。我哋叫咗一個醉雞單麵，同一個晚市套餐。醉雞幾好味，雞肉嫩滑。湯底幾好味，唔係藥材味嗰啲。絕大部份都係紅棗杞子龍眼和雞味。份量夠大。覺得喺而家呢個市況呢個價錢我會再食。