Video
Read full review
2024-08-14
296 views
琴晚出開旺角又想食泰菜，search 一下發現餐廳「泰九鳥」就喺旺角譽發廣場，一於順路去試下🙆🏻♀️搭lift 上4樓，一開門已經見到以藍黃色作主調嘅裝修，鮮艷嘅顏色同埋明亮嘅環境一眼就已經吸引到我。😍泰式涼拌鮑魚 鮑魚新鮮大隻，咬落爽口彈牙，配以泰式酸辣醬汁，食落勁開胃，作為前菜一流👍🏻冬蔭功烤鱸魚原條鱸魚上碟，鱸魚事前已經烤到金黃色，再放入微微酸辣嘅冬陰功湯加熱，食落魚肉保持到鮮嫩，索晒d 冬蔭功汁，值得一讚嘅係冬陰功湯唔算太辣，就算平時唔食辣嘅人士都可以試一試啊。鱸魚以韮菜、芽葉墊底，吸晒冬陰功湯，非常滋味。菠蘿海鮮炒飯菠蘿炒飯，泰國菜嘅經典菜式，有青口，魷魚，腰果、菠蘿，提子乾，肉鬆等，仲有青瓜伴碟，份量夠之餘又足料！泰式椰汁西米糕本來以為係凍糕，點知原來係蒸熱咗又軟熟又彈牙嘅椰汁西米糕，椰香味夠之餘唔會太甜。飲品方面叫咗熱嘅玫瑰花茶同埋凍嘅翠綠湖，翠綠湖入邊係由斑蘭椰奶同埋鮮奶組成，最鍾意佢斑蘭味十足，仲可以揀少甜少冰添！餐廳總括嚟講價錢親民食物質素唔錯，難怪當晚見到座無虛席。特別要一提嘅係餐廳係可以帶寵物㗎，當日都見到有食客帶住狗仔好可愛。❤️我事後仲發現，餐廳原來係由Mir
搭lift 上4樓，一開門已經見到以藍黃色作主調嘅裝修，鮮艷嘅顏色同埋明亮嘅環境一眼就已經吸引到我。😍
泰式涼拌鮑魚
鮑魚新鮮大隻，咬落爽口彈牙，配以泰式酸辣醬汁，食落勁開胃，作為前菜一流👍🏻
冬蔭功烤鱸魚
原條鱸魚上碟，鱸魚事前已經烤到金黃色，再放入微微酸辣嘅冬陰功湯加熱，食落魚肉保持到鮮嫩，索晒d 冬蔭功汁，值得一讚嘅係冬陰功湯唔算太辣，就算平時唔食辣嘅人士都可以試一試啊。
鱸魚以韮菜、芽葉墊底，吸晒冬陰功湯，非常滋味。
菠蘿海鮮炒飯
菠蘿炒飯，泰國菜嘅經典菜式，有青口，魷魚，腰果、菠蘿，提子乾，肉鬆等，仲有青瓜伴碟，份量夠之餘又足料！
泰式椰汁西米糕
本來以為係凍糕，點知原來係蒸熱咗又軟熟又彈牙嘅椰汁西米糕，椰香味夠之餘唔會太甜。
飲品方面叫咗熱嘅玫瑰花茶同埋凍嘅翠綠湖，翠綠湖入邊係由斑蘭椰奶同埋鮮奶組成，最鍾意佢斑蘭味十足，仲可以揀少甜少冰添！
餐廳總括嚟講價錢親民食物質素唔錯，難怪當晚見到座無虛席。
特別要一提嘅係餐廳係可以帶寵物㗎，當日都見到有食客帶住狗仔好可愛。❤️
我事後仲發現，餐廳原來係由Mirror同Error其中三位成員開設㗎🍍 🍍
#hk #hkig #hkblogger #hkfoodie #thaifood #旺角美食 #泰國菜 #香港 #香港美食
Post
