大山日本料理

Open Now

Now Closed

今日約咗朋友去旺角食嘢，見到呢間日本菜幾多人。價錢又唔貴。我哋坐咗卡位幾舒服，有熱茶飲。之後慢慢用QR code落單。揀咗牛油果軟殼蟹卷，呢個夠多沙律醬，軟殼蟹脆口，整個卷物仲有牛油果🥑味道相當唔錯。壽司揀咗天婦羅壽司，天婦羅蝦炸得幾好，唔會太油膩。串燒種類都有好多，我哋揀咗兩串免治雞肉棒串。免治雞肉串面上有醬汁，另外仲有生蛋可以點，點完生蛋，雞肉串口感更滑。炸物叫咗和風炸雞，估唔到份量都幾多，炸雞啖啖肉又幾脆，仲有沙律醬。最後揀咗個飽肚嘅豚肉泡菜鍋，泡菜酸酸辣辣配豚肉就最夾，豚肉都有好多，而家天氣凍凍地食鍋物就暖笠笠。