大山日本料理

Open Now

Now Closed

同朋友去左旺角食日本野，呢間叫大山日本料理都吾錯，地方好方便，係上樓嘅又吾會好嘈，望住街景都幾舒服。我地2個女仔食左個豆腐沙律，夏天食真係好適合，食落很涼快，感覺清新又健康。之後點左鰻魚飯，帶子魚生飯同軟殼蟹手捲，先講鰻魚飯，鰻魚大大舊好肥美，而且又好味嘅醬汁，甜甜地好好味。帶子魚生飯，記得價錢吾貴，不過魚生超級新鮮，好鮮甜，都好大碗，食完會飽嘅。至於個軟殼蟹手捲，是即叫即整的，軟殼蟹熱辣辣即炸，很香脆又啖啖肉，仲食到蟹膏，好正啊，包住脆卜卜嘅紫菜，真係即上碟就要即食啊。最後食了日式芝士蛋糕，好味，芝士味濃郁 ，口感滑溜，一食歎忘，美好嘅一餐。