Video
Read full review
2024-04-06
2047 views
金鳳大餐廳 （3/4/2024）今日同朋友係旺角行街睇戲，到食晚飯時間，旺角區真係好多食市，我朋友就介紹我去食西式大餐，這間餐廳叫做金鳳大餐廳，位於太子荔枝角道102號金鳳樓地舖，港鐵太子站C2出口，行幾分鐘就到，非常方便。朋友話這間餐廳預計要等一陣位，真係我哋未行到去餐廳離遠已經見到好多人係門口等緊，後生仔居多，攞飛後大約等咗20分鐘就有枱比我哋。餐廳環境好似舊式經典扒房，有水吧、經典卡位，仲有紅磚佈置，有濃厚舊香港風味及懷舊港西式風格，座位坐得舒適，牆上仲掛上左唔少嘅之前報紙，報道都讚這間餐廳扒房好好食，而餐廳店員都好友善，態度好好，令人感到好舒服，因為有好多款扒可以選擇，店員就好主動咁介紹俾我聽，唔同肉類既特質，最後我就揀左美國德州頂級西冷餐，店員仲好細心推介揀5成熟。隨餐附送餐湯、餐包同飲品，先來餐湯同餐包，員工超快手拿來最傳統餐包，而個餐包暖暖地好鬆軟，搽完啲牛油秒速咁溶哂，令人食得好滿足，上完餐包嘅下一秒就上埋碗餐湯，餐湯可選羅宋湯或忌廉湯，我就選咗羅宋湯，羅宋湯非常足料，有非常多蔬菜、洋蔥同少少肉粒。味道唔會話好辣，只不過有少少辣味，好足料而且味道同個餐包一齊食仲好正。美
今日同朋友係旺角行街睇戲，到食晚飯時間，旺角區真係好多食市，我朋友就介紹我去食西式大餐，這間餐廳叫做金鳳大餐廳，位於太子荔枝角道102號金鳳樓地舖，港鐵太子站C2出口，行幾分鐘就到，非常方便。朋友話這間餐廳預計要等一陣位，真係我哋未行到去餐廳離遠已經見到好多人係門口等緊，後生仔居多，攞飛後大約等咗20分鐘就有枱比我哋。
餐廳環境好似舊式經典扒房，有水吧、經典卡位，仲有紅磚佈置，有濃厚舊香港風味及懷舊港西式風格，座位坐得舒適，牆上仲掛上左唔少嘅之前報紙，報道都讚這間餐廳扒房好好食，而餐廳店員都好友善，態度好好，令人感到好舒服，因為有好多款扒可以選擇，店員就好主動咁介紹俾我聽，唔同肉類既特質，最後我就揀左美國德州頂級西冷餐，店員仲好細心推介揀5成熟。
隨餐附送餐湯、餐包同飲品，先來餐湯同餐包，員工超快手拿來最傳統餐包，而個餐包暖暖地好鬆軟，搽完啲牛油秒速咁溶哂，令人食得好滿足，上完餐包嘅下一秒就上埋碗餐湯，餐湯可選羅宋湯或忌廉湯，我就選咗羅宋湯，羅宋湯非常足料，有非常多蔬菜、洋蔥同少少肉粒。味道唔會話好辣，只不過有少少辣味，好足料而且味道同個餐包一齊食仲好正。
美式鐵板扒餐上枱後，員工會問你想要咩汁，我就揀左黑椒汁，淋醬汁當下，醬汁與鐵板融合產生嘅滋滋喳喳聲伴隨肉味香氣，呼喚食客既開胃味道，員工更表示醬汁可以及後任加，等食客可以自由調整合適既口味，塊西冷牛扒大大塊，5成熟岩岩好，切開無血水，咬落牛肉優質鮮嫩，每一口都好有口感，牛肉帶嚼勁，好好食，5成熟嘅熟度保留住啲肉汁，啲肉汁就慢慢傾出黎，令人嘴齒留香，每一口肉都食得好享受，而且美式扒餐牛扒係冇醃製過，牛味重一點，口感更加出眾，配菜仲有翠玉瓜同薯條，好感滿足。而飲品方面，我點咗經典港式飲品凍檸茶，飲嘅凍檸茶都好解渴，好夾食扒餐，清新怡人。
我朋友就選咗豬扒焗意粉，佢成日都來食扒餐，所以今次話想試食其他嘅食物，豬扒焗意粉都唔錯，豬扒意粉份量夠哂多超大碟，入面仲有洋蔥同蕃茄，豬扒都非常大件，而且還十分嫩滑，最後配上濃濃嘅蕃茄汁意粉，味道令人非常開胃，啲意粉味道是舊式茶餐廳蕃茄意粉嘅味道，沒有改變，味道唔錯，意粉口感方面不淋不硬，好有水準。
這間傳統老餐廳的食物質素很高，令人食得好滋味，又好抵食，價錢唔貴，好值得推薦俾大家去試一下。
Post
