蛋仔記雞蛋仔

Open Now

Now Closed

每次見到有雞蛋仔都會忍唔住好想買黎食，完全抗拒唔到，唔知係咪太耐冇去旺角，竟然見到有間新既雞蛋仔，即刻要買黎試。依間雞蛋仔都幾多味簡架，有咸有甜有麻糬系列，我自己都諗左好耐究竟簡邊好呢，最後簡左抹茶麻糬。落完單之後大概等左10-15分鐘就拎得啦，首先講下佢個包裝設計我好欣賞，好方便就咁拎住，仲有d洞可以唔驚焗住雞蛋仔變冧，食起上黎又唔會好狼狽，仲可以打卡。味道方面，一咬係脆既，濃濃既抹茶味，每一粒都有麻糬，好足料，外脆內軟，佢係個種咬落去好有實在感，唔係空氣個隻口感，食左一陣都係仲脆，不過個麻糬就會偏甜左少少，如果冇咁甜會更加好。我見到menu上有開心果格仔餅，期待有開心果雞蛋仔既出現。