蛋仔記雞蛋仔

Open Now

Now Closed

📍旺角 蛋仔記雞蛋仔喺九月嘅第一日，黃昏時間嚟到豉油街嘅呢一間蛋仔記雞蛋仔，離遠已經見到有好多人排緊隊，見到佢無論雞蛋仔定格仔餅都有好多口味選擇，而且除咗港式傳統小食之外，仲有飲品都可以喺呢度一次過滿足晒。見到佢呢排出咗新口味，例如章魚燒雞蛋仔同開心果格仔餅，見到幅圖非常之吸引，於是就打算試一試佢嘅開心果格仔餅。等咗大約5至10分鐘就已經有得拎，因為係新鮮啱啱整好，所以熱辣辣非常香，而且佢嘅餡料十足，有開心果嘅碎，口感好豐富。不過我覺得佢嘅皮如果再脆啲就會更加好，如果再吹多一陣就Perfect🤩。本身已經係麻糬愛好者，見到佢可以揀唔同茶味嘅麻糬雞蛋仔，今次就試咗伯爵茶口味，出到嚟真係好濃伯爵茶味，而且每一粒都有麻糬，煙煙韌韌感口感好豐富。整體嚟講佢嘅質素都對得起佢嘅價錢，而且等待嘅時間唔需要好長，行過都真係值得一試。