Video
Read full review
2024-10-16
1328 views
最近好興食燒雞，朋友介紹，位於旺角嘅呢間中菜酒樓又平又抵食，咁就一於嚟試吓啦。平時去親創興廣場都會係打邊爐，第一次嚟酒樓，估唔到已經好多人食緊，仲要好多都係街坊熟客，如果嚟嘅記住一定要book位先啦。睇完Menu之後，我哋見到呢個孖寶好抵食，有燒雞同埋有桶蠔，價錢一啲都唔貴。另外我哋仲叫咗個酸菜魚，我就認為呢個酸菜魚非常抵讚，因為食落好開胃，又唔會太辣。而且佢嘅魚食落好新鮮，好有魚味，而且無骨。呢個桶蠔上枱嘅時候仲係熱辣辣，而且好有蔥薑嘅香味。估唔到有咁多隻蠔，而且啲蠔都大大隻，食落亦都非常新鮮，煮嘅時間啱啱好，一啲都唔會太硬。呢個燒雞食落都好出色，啲皮整得好脆，皮脆肉嫩，佢連雞胸嘅位都整得好滑，唔怪得咁多人讚啦。呢間酒樓又平又抵食，而且環境都好好坐，啱晒一大班朋友或者一家人嚟食飯啊。遲啲有機會，我都一定會帶屋企人嚟試吓呀！
平時去親創興廣場都會係打邊爐，第一次嚟酒樓，估唔到已經好多人食緊，仲要好多都係街坊熟客，如果嚟嘅記住一定要book位先啦。
睇完Menu之後，我哋見到呢個孖寶好抵食，有燒雞同埋有桶蠔，價錢一啲都唔貴。
另外我哋仲叫咗個酸菜魚，我就認為呢個酸菜魚非常抵讚，因為食落好開胃，又唔會太辣。而且佢嘅魚食落好新鮮，好有魚味，而且無骨。
呢個桶蠔上枱嘅時候仲係熱辣辣，而且好有蔥薑嘅香味。估唔到有咁多隻蠔，而且啲蠔都大大隻，食落亦都非常新鮮，煮嘅時間啱啱好，一啲都唔會太硬。
呢個燒雞食落都好出色，啲皮整得好脆，皮脆肉嫩，佢連雞胸嘅位都整得好滑，唔怪得咁多人讚啦。
呢間酒樓又平又抵食，而且環境都好好坐，啱晒一大班朋友或者一家人嚟食飯啊。遲啲有機會，我都一定會帶屋企人嚟試吓呀！
Post
