大山日本料理

Open Now

Now Closed

平時喺旺角搵食最大苦惱就係要搵一間方便，又要坐得舒服既餐廳（當然好食都重要）。今次見Openrice 話菜街個邊有間叫大山日本料理唔錯又舒服，緊係要試下啦！🔸角切魚生飯：份量好足！有齊各款魚生包括三文魚、吞拿魚、蟹柳、鯛魚及蟹籽，仲有玉子。刺身都好鮮甜，吞拿魚唔會有筋，玉子甜甜地，非常好食😋🔸牛肉壽喜燒配珍珠米：壽喜燒湯底幾濃，但又唔會好鹹，配埋牛肉撈飯，一流！牛肉肉質幾嫩，牛味都重。🔸磯燒鮑魚及蟹籽魷魚刺身：鮑魚大大隻又新鮮！店家亦都好細心，預先將鮑魚切開一半，方便大家食。至於，魷魚一樣新鮮，又爽口，好岩炎炎夏日食！最後值得一讚係店鋪裝潢風格好有日本feel，店員又好nice，值得大家一試！