Video
Read full review
4 day(s) ago
0 views
小編真係好嬲好嬲！😡😡😡今日經過旺角見到一個地方 @_chicken_boss_ ，寫住「叫雞請」，竟然明目張膽叫人打羽毛球！實在天理難容！小編決定放蛇入去望吓佢咩料，點知發現⋯⋯呢間「雞老闆」嘅老闆做雞真係好叻，細細個就開始做雞🐥，到依家喺清遠經營雞場，令餐廳每日都可供應通過衛生署檢驗嘅清遠走地雞！🐓店內供應嘅兩款雞都係飼養時間較長的品種，唔係啲咩激素催肥怪物雞。走地都令雞開心啲、運動多啲，啲肉自然好食啲～2人套餐 ＄388起（另加醬料費$20pp）套餐可以選擇清甜椰子雞/滋補雞湯，呢度嘅椰子雞湯都出名，100%全椰皇椰青！😳但呢排凍咗咁多，又想補下，老闆就推薦滋補雞湯，呢個湯有唔少石斛花，紅棗同鮮雞件煲成，溫潤濃郁，而且小編第一次見加咗咁多石斛花嘅湯，據說可以身提神解郁，仲唔係為我而設？🥹🥹套餐包咗半隻走地脆皮雞、兩隻鮑魚、四隻鮮蝦、鮮丸拼盤同時蔬拼盤半隻走地脆皮雞脆皮雞已經起晒肉，食用極度方便。而且只需淥15秒，生熟程度啱啱好。肉質結實彈牙，微微肉香。🍗另外小編一定要講，唔食雞皮嘅話就唔好嚟啦！因為呢個脆皮雞啲雞皮真係好好食！唔會有肥膩感，非常爽彈，喺出面真係好難搵到。🤩🤩鮑魚鮮
呢間「雞老闆」嘅老闆做雞真係好叻，細細個就開始做雞🐥，到依家喺清遠經營雞場，令餐廳每日都可供應通過衛生署檢驗嘅清遠走地雞！🐓店內供應嘅兩款雞都係飼養時間較長的品種，唔係啲咩激素催肥怪物雞。走地都令雞開心啲、運動多啲，啲肉自然好食啲～
2人套餐 ＄388起（另加醬料費$20pp）
套餐可以選擇清甜椰子雞/滋補雞湯，呢度嘅椰子雞湯都出名，100%全椰皇椰青！😳但呢排凍咗咁多，又想補下，老闆就推薦滋補雞湯，呢個湯有唔少石斛花，紅棗同鮮雞件煲成，溫潤濃郁，而且小編第一次見加咗咁多石斛花嘅湯，據說可以身提神解郁，仲唔係為我而設？🥹🥹
套餐包咗半隻走地脆皮雞、兩隻鮑魚、四隻鮮蝦、鮮丸拼盤同時蔬拼盤
半隻走地脆皮雞
脆皮雞已經起晒肉，食用極度方便。而且只需淥15秒，生熟程度啱啱好。肉質結實彈牙，微微肉香。🍗另外小編一定要講，唔食雞皮嘅話就唔好嚟啦！因為呢個脆皮雞啲雞皮真係好好食！唔會有肥膩感，非常爽彈，喺出面真係好難搵到。🤩🤩
鮑魚鮮蝦
兩款海鮮都唔錯，鮑魚爽口。但鮮蝦更加出色，頭部有膏之餘，肉質比一般蝦仁更加爽口。小編平時唔願意剝蝦，都肯為咗呢隻蝦而犧牲。（誤）🤣🤣
鮮丸時蔬
有牛丸、貢丸唔同款，味道正常。蔬菜有唔同款，而且份量都幾多，最後消滯解膩一流。😌
美國安格斯牛小排（＋$198）
呢度嘅牛肉比出面切法偏厚，但食落又唔覺韌，反而感受到更加多嘅肉味，有啲驚喜。😋😋
椰青 （$38/1）
店員特別推介呢度嘅椰青，話係啱啱返貨，非常新鮮。😍確實飲落去好鮮甜，而且夠晒清涼，搞到小編下次會上返嚟試吓椰子雞湯。🥹🥹🥹
味道：8.3/10
抵食：7.8/10
環境：7.7/10
服務：8/10
雞老闆 (旺角)
旺角染布房街5號地舖
#香港必食 #香港美食 #食評 #香港食評 #香港生活 #hkfood #hkfoodie #hkeat #旺角 #旺角美食 #油麻地 #油麻地美食 #雞 #雞湯 #雞煲 #火鍋 #打邊爐 #牛 #牛肉 #海鮮 #chickenbroth #hotpot #seafood coconut #mk #mongkok #mkfood #reunion #旺角好去處
Post
