泰鳩

Open Now

Now Closed

我平時好少寫食評，但係今次真係忍唔住。今天慕名而來，見佢可以帶寵物同我媽媽，細佬男朋友一行四人嚟食環境唔算靚，地方好細，坐得比較迫叫咗$19x 冬陰功烤魚條魚好細冬陰功係冇冬陰功味嘅，冇酸冇辣，剩係得鹹。$8x 泰式酸辣鳳爪，直頭係冇味嘅淡茂茂炸嘢拼盤$19x 味道不過不失，但係唔值呢個價錢$108 蟹肉炒飯，啲蟹肉只不過係擺喺面，仲要篤飯，得一碗反轉cup落去隻碟泰式生蝦呢個真係好離譜，急凍拎出嚟，雪嘢嘅味道啲蝦肉嘅質感好假，低質嘅材料要加一服務費，但係服務真係麻麻哋。帶咗個好細好細嘅蛋糕，坐低咗，佢哋話喺度食$80切餅費仲貴過我本身嘅蛋糕我明白係要賺錢，但係都唔係賺到咁盡而家好多餐廳都唔收切餅費仲要我哋話唔食蛋糕啦，個蛋糕我哋拎出嚟影相，跟住就會帶走跟住佢哋竟然靜靜雞喺張單度收切餅費，好彩我睇到叫佢退返！總括來說，真係得個名氣，環境不過不失，要味道冇味道要大碟冇大碟，要服務冇服務，要抵食都一啲都唔抵食。