牛霸王

Open Now

Now Closed

今日去咗觀塘買恤衫，見到APM食嚟食去都係嗰啲大牌子，所以諗住幫襯吓工業大廈的小店，我鍾意嚟成業工業大廈呢邊，因為門面非常之光鮮👍🏻一樓有一間食日本丼飯，上次食過非常足料，做埋晚餐，十分飽肚，小食亦都非常之日式，又多選擇，最緊要係性價比高，價錢一啲都唔貴。我今日星期六晚上叫咗個鰻魚飯，都只不過係$88 ，叫埋嘢飲都只不過係加$5 ，非常公道。鰻魚10分肥美，鰻魚醬汁同飯好夾，淡淡滿足，甜甜地，又有鰻魚的輕輕烤香。小食加配有好多選擇，我今次叫紫薯餅，入面粒粒紫薯，脆卜卜，入面又綿又甜。另一個小食是芝麻雞翼，炸得非常之香脆，入面保持住肉質，外脆內多汁。飲品方面，我叫咗柚子蜜，大大杯，中和返頭先食咗咁多煎炸嘢。